Baro a Programa ti Asamblea Sirkito

Kayat ti lubong a patientayo nga agtalinaed nga agnanayon ti agdama a sistema ti bambanag. Ngem naiduma ti ibaga kadatayo ti Sao ti Dios. (1 Juan 2:15-17) Tulongannatayo a mangtarus nga ubbaw ti ‘agurnong kadagiti gameng ditoy daga.’ Tapno bumileg ti ili ti Dios, ti tema ti programa ti asamblea sirkito a mangrugi inton Pebrero 2007 ibuksilanna ti tema nga, “Agurnongkayo . . . Kadagiti Gameng Idiay Langit.”—Mat. 6:19, 20

Ti materialistiko a panagpampanunot ket karaman iti nadakamat iti Efeso 2:2 kas “autoridad ti angin, ti espiritu nga agtigtignay ita iti annak ti kinasukir.” Kas iti literal nga angin nga adda iti sadinoman, a madadaan nga angsen, “ti espiritu ti lubong” nagsaknap met iti daytoy a sistema. (1 Cor. 2:12) Adda ‘autoridadna’ gapu ta nakabilbileg ti impluensiana. Ti baro a programa ti asamblea sirkito tulongannatayo a mangliklik iti materialistiko a panagpampanunot ti lubong ken mangipamaysa kadagiti prioridadtayo. (Mat. 6:33) Maysa pay, ti programa tulongannatayo nga agpannuray ken Jehova bayat nga itungpaltayo ti ministeriotayo iti laksid dagiti rigat ken suot a mabalin a pakaipasanguantayo.

Siguraduenyo a tabunuan ti dua nga aldaw ken ‘dumngegkayo nga ad-adda ngem iti gagangay.’ (Heb. 2:1) Inotaryo dagiti punto a mabalinyo nga iyaplikar iti mismo a biagyo ken iti ministerioyo. Mapabileg ken maparegtakayo nga agtultuloy nga ‘agurnong kadagiti gameng idiay langit’ no presentekayo manipud iti rugi agingga nga agngudo daytoy makapabileg iti naespirituan a programa!