No Ania ti Ibaga No Itukon Dagiti Magasin

Ti Pagwanawanan Agosto 1

“Iti panagkunayo, ania ti kasapulan dagiti tattao tapno agbalinda a naragsak? [Palubosanyo a sumungbat sa basaenyo ti Mateo 5:3.] Maysa laeng daytoy kadagiti imbaga ni Jesus maipapan iti kinaragsak. Ilawlawag daytoy nga artikulo no ania ti masursurotayo ken Jesus maipapan iti panagbalin a pudpudno a naragsak.” Itampokyo ti artikulo a mangrugi iti panid 16.

Agriingkayo! Agosto

“Nagadu a pelikula ita ti mangitamtampok kadagiti demonio, managsalamangka, ken mangkukulam. Iti panagkunayo, agpayso ngata nga adda dagiti demonio? [Palubosanyo a sumungbat sa basaenyo ti 1 Corinto 10:20.] Ipakita daytoy nga artikulo no ania ti kuna ti Biblia maipapan kadagiti demonio ken no kasanotayo a masalakniban ti bagitayo.” Itampokyo ti artikulo a mangrugi iti panid 20.

Ti Pagwanawanan Setiembre 1

Mangdakamatkayo iti damag iti lugaryo sa isaludsodyo: “Napampanunotyo kadin no apay nga agar-aramid dagiti tattao iti agkakadakes a banag? [Palubosanyo a sumungbat.] Ti Biblia ikkannatayo iti namnama. [Basaenyo ti 2 Pedro 3:13.] Ipakita daytoy a magasin no ania ti kuna ti Biblia maipapan kadagiti makagapu iti kinadakes ken no kasano a mabiiten a pagpatinggaen ti Dios dagiti dakes nga aramid iti din agbayag.”

Agriingkayo! Setiembre

“Iti panagkunayo, dagiti kadi selpon, e-mail, chat room, ken dadduma pay a moderno a pamay-an ti pannakikomunikar kinissayanna ti kinaliday dagiti tattao wenno pinakarona laeng? [Palubosanyo a sumungbat.] Daytoy ti maysa a singasing no kasanotayo a daeran ti liday. [Basaenyo ti Aramid 20:35.] Mangted daytoy a magasin iti kanayonan a praktikal a balakad manipud iti Biblia.”