Pagtuladan a Presentasion

Ti Pagwanawanan Pebrero 1

“Iwarwarasmi daytoy a tract ditoy lugaryo ita. Nailawlawag ditoy ti praktikal a pateg ti Biblia. Daytoy ti kopiayo. [Ikkanyo ti bumalay iti tract nga Ania ti Makunam Maipapan iti Biblia?] Adda dagiti mangpampanunot no naglaon ti Biblia iti praktikal a balakad a makatulong kadakuada iti trabahoda. Kitaenyo no ania ti kuna daytoy a teksto maipapan iti trabaho. [Basaenyo ti Eclesiastes 3:13.] Naglaon daytoy a magasin iti sumagmamano a prinsipio iti Biblia a tumulong kadatayo a mangtagiragsak iti trabahotayo. Kayatyo kadi a basaen?”

Agriingkayo! Pebrero

“Bumisbisitakami iti apagbiit tapno ipakitami kadagiti kaarrubami daytoy a kabaruan a ruar ti Agriingkayo! Mailawlawag ditoy ti sungbat daytoy a makapainteres a saludsod. [Ipakitayo ti akkub.] Kayatko koma a maammuan no ania ti makunayo iti daytoy a pagarigan a nadakamat iti magasin. [Basaenyo ti Proverbio 29:11.] Iti panagkunayo, agaplikar kadi ita daytoy a prinsipio iti Biblia? [Palubosanyo a sumungbat.] Ilawlawag daytoy a magasin ti uppat a prinsipio iti Biblia ken no kasanotayo a mabenepisiaran no iyaplikartayo dagita.”