Agsagsaganakayo Kadi Para iti Memorial?
Ti petsa idi ket Nisan 13, 33 C.E. Ammo ni Jesus nga adda laengen maysa a rabii a makaduana dagiti nasinged a gagayyemna sakbay a mapapatay. Rambakanna ti maudi a Paskua a kaduana ida sa irugina ti maysa a baro a selebrasion, ti Pangrabii ti Apo. Sigurado a masapul ti panagsagana iti kasta a napateg nga okasion. Isu nga imbaonna da Pedro ken Juan a mangisagana kadagiti bambanag. (Luc. 22:7-13) Sipud idin, tinawen a masapul nga agsagana para iti Memorial dagiti Kristiano a mayat a mangrambak iti daytoy nga okasion. (Luc. 22:19) Ania dagiti kangrunaan nga aramidentayo kas panagsagana iti Memorial inton Abril 3?
Panagsagana Dagiti Agibumbunannag:
Iyurnos ti naan-anay a pannakiraman iti kampania a panagiwaras iti imbitasion.
Ilista dagiti iyad-adalan iti Biblia, kabagian, kaeskuelaan, katrabahuan, ken dadduma pay nga am-ammo, sa imbitaran ida.
Basaen ken utoben ti nayeskediul a mabasa iti Biblia para iti Memorial.
Tumabuno iti Memorial a nakasagana a mangabrasa kadagiti bisita.