AGBALIN A MAS EPEKTIBO ITI MINISTERIO
Kampania a Panagimbitar iti Kombension
Kada tawen, napalalo ti gagartayo a mangtagiragsak iti naespirituan a padaya kadagiti rehional a kombensiontayo. Tapno maramanan met ti sabsabali ti kinaimbag ni Jehova, agimbitartayo iti adu a tumabuno. (Sal 34:8) Tingitingen ti tunggal bagi dagiti panglakayen ti kasayaatan a pannakausar dagiti imbitasion.
DAGITI DETALYE A LAGLAGIPEN
Kaano ti kombensionko?
Kaano a mangrugi ti kampania ti kongregasionmi?
Kaano a maaramid dagiti taripnong sakbay ti panangasaba?
Ania dagiti kalatko para iti kampania?
Siasino dagiti planok nga imbitaran?
ANIA TI IBAGAM?
Kalpasan ti gagangay a panangkablaaw, mabalinmo nga ibaga:
“Makiramramankami iti sangalubongan a kampania a panagibunong iti daytoy nga imbitasion para iti nakapatpateg nga okasion. Makita ditoy imbitasion ti petsa, oras, ken pakaangayanna. Maragsakankami a makakitanto kadakayo.”
KASANOM A MAPARAYRAY TI INTERES?
Nupay kayattayo ti agawis iti adu a tumabuno iti kombension, alertotayo koma a mangparayray iti aniaman a naipakita nga interes.
Mabalinmo nga itukon ti magasin ken imbitasion kadagiti ngudo ti lawas.