Dagiti Nasayaat nga Aramid a Saan a Malipatan

Kabaelan ti amin nga adipen ni Jehova ti mangaramid kadagiti nasayaat a banag a para kenkuana a malaglagip iti agnanayon. Kas iti naayat a nagannak a mangipatpateg iti naaramidan ti annakna, saan a malipatan ni Jehova dagiti ar-aramidentayo ken ti ayat nga ipakpakitatayo para iti naganna. (Mt 6:20; Heb 6:10) Siempre, agduduma ti abilidad ken situasiontayo ngem naragsaktayo no aramidentayo ti amin a kabaelantayo nga agserbi ken Jehova. (Ga 6:4; Col 3:23) Adun a tawen a rinibu a kakabsattayo ti agserserbi iti Bethel. Kabaelam kadi ti agserbi iti Bethel? No saan, adda kadi ti mabalinmo a paregtaen nga agboluntario iti Bethel wenno tulongan a miembro ti pamilia ti Bethel tapno agtultuloy iti daytoy espesial a pamay-an ti panagserbi?

BUYAEN TI VIDEO A NO KASANOKA A MAKAPAGSERBI ITI BETHEL SA SUNGBATAN DAGITOY A SALUDSOD:

• Ania ti rumbeng a motibom nga agserbi iti Bethel?

• Ania ti imbaga ti dadduma maipapan kadagiti bendision iti panagserbi iti Bethel?

• Ania dagiti kualipikasion iti panagserbi iti Bethel?

• Kasanoka a makaaplay iti panagserbi iti Bethel?