Maipaaymo Kadi ti Tiempo ken Pigsam?

Kas impakpakauna ni Isaias, makitkitatayo ti kasta unay a panagrang-ay ti organisasion ni Jehova ditoy daga. (Isa 54:2) Gapuna, kasapulan dagiti baro a Kingdom Hall, Assembly Hall, ken pasilidad ti sangay. Masapul a mamantener dagitoy kalpasan a maibangon, ken inton agangay, dadduma ti masapul a matarimaan. Mangted daytoy kadatayo iti gundaway a mangipaay iti tiempo ken pigsatayo ken Jehova. Kadagiti ania a pamay-an?

• Makiramantayo no eskediul ti grupotayo iti panangasaba nga agdalus iti Kingdom Hall

• Agboluntariotayo nga agpasanay iti panangmantener iti Kingdom Hall-tayo

• Agipasa iti Local Design/Construction Volunteer Application (DC-50) tapno makatulongtayo sagpaminsan iti proyekto a panagibangon ken panagmantener nga asideg kadatayo

• Agipasa iti Application for Volunteer Program (A-19) ken agboluntario iti makalawas wenno napapaut pay iti Bethel wenno iti sabali pay a pasilidad ti sangay

BUYAEN TI VIDEO A MAIPLAMPLANON TI BARO A PROYEKTO A PANAGIBANGON—ABABA A PASET SA SUNGBATAN DAGITOY:

• Ilawlawag no kasano kaadu ti maus-usar a video sipud 2014?

• Tapno maaramid dagiti video a mausartayo iti panagdaydayaw, ania a proyekto ti maiplamplano, ken kaano ti nayeskediul a rugi ken pannakaileppasna?

• Kasano a makatulong dagiti boluntario iti daytoy a proyekto?

• No kayattayo ti tumulong iti konstruksion idiay Ramapo, apay a masapul nga agipasatayo iti aplikasion (DC-50) ken tumulong kadagiti proyekto ti Local Design/Construction nga asideg kadatayo?

• Ania dagiti pammaneknek nga iwanwanwan ni Jehova daytoy a proyekto?

• Kasano a masuportarantayo daytoy a proyekto uray no saantayo a makaraman iti panagibangon?