Dagiti Tampok iti Napalabas a Tawen

IDI dineskribir ni Isaias ti aramiden ti Dios babaen ti Pagarianna, kinunana: “Ti mismo a regta ni Jehova ti buybuyot aramidennanto daytoy.” (Isa. 9:7) Iti ministeriona ditoy daga, impakita met ni Jesu-Kristo, ti Ari dayta a Pagarian, ti umap-apuy a regtana para iti pudno a panagdayaw. (Juan 2:17) Ipakita dagiti sumaganad a report no kasano a tultuladen dagiti Saksi ni Jehova iti intero a lubong ti kinaregta ni Jehova ken ni Jesus babaen iti panangtulongda kadagiti tattao tapno mariknada ti panagayat ti nailangitan nga Amada.