Ti Teokratiko nga Eskuelaan ti Panagministro iti Tawen 2004
1 Ni Jehova tultulonganna dagiti ordinario a tattao tapno maitungpalda ti napateg a trabaho a maar-aramid iti intero a lubong. Ti maysa a pamay-an ket ti linawas a pannakasanay iti Teokratiko nga Eskuelaan ti Panagministro. Makipaspasetkayo kadi a naan-anay sigun iti ipalubos ti kasasaadyo? Inton Enero, adda maaramid a sumagmamano a panagbalbaliw tapno matulongan dagiti estudiante a magunggonaan a naan-anay kadagiti urnos.
2 Panagsisinnublat Dagiti Katulongan a Mamalbalakad: Dagiti kakabsat a mangipapaay kadagiti makaisuro a palawag ken dagiti tampok iti Biblia apresiarenda dagiti kapaliiwan ti katulongan a mamalbalakad. Kadagiti kongregasion nga addaan iti umdas a kualipikado a panglakayen, mabalin a tinawen a maipasublat iti sabali ti annongen kas katulongan a mamalbalakad. Iti daytoy a pamay-an, mapagraranudan daytoy a trabaho; ngem napatpateg pay, magunggonaan dagiti panglakayen ken ministerial nga adipen manipud iti adu a kapadasan dagiti nadumaduma a makabael a pumapalawag ken mannursuro.
3 Panangyeskediul iti Oral a Repaso: No agasamblea sirkito ti kongregasionyo iti lawas ti oral a repaso, masapul a makalawas a maitantan ti repaso (ken ti dadduma pay nga iskediul iti dayta a lawas). Ti iskediul iti sumaruno a lawas ket isu ti maadal iti lawas ti asamblea sirkito. Nupay kasta, saan a kasapulan a pagsinnukaten ti amin nga iskediul ti dua a lawas no mairana ti oral a repaso iti ibibisita ti manangaywan iti sirkito. Maiparang latta ti kanta, kualidad ti panagpalawag, ken dagiti tampok ti Biblia sigun iti iskediul. Ti makaisuro a palawag (a maiparang kalpasan ti kualidad ti panagpalawag) ket maibatay iti iskediul iti sumaganad a lawas. Kalpasan dagiti tampok ti Biblia, sumaruno ti 30 a minuto a Gimong ti Serbisio, a mabalin a bingaybingayen iti tallo a sagsasangapulo a minuto wenno dua a sagsasangapulo ket lima a minuto. (Awanen dagiti panglukat a pakaammo.) Ti Gimong ti Serbisio ket sarunuen ti kanta ken 30 a minuto a palawag ti manangaywan iti sirkito. Iti sumaganad a lawas, ti Teokratiko nga Eskuelaan iti Panagministro ket buklen ti nakaeskediul a kualidad ti panagpalawag ken dagiti tampok ti Biblia, sa sarunuen ti oral a repaso.
4 Gundawayanyo ti tunggal oportunidad maipaay iti naespirituan nga irarang-ay. Bayat a magunggonaankayo iti edukasion nga ipapaay ti Teokratiko nga Eskuelaan ti Panagministro, mapabpabilegyo ti kongregasionyo, makipaspasetkayo iti pannakatungpal ti padto ti Biblia, ken maidaydayawyo ti Autor ti naisangsangayan a mensahe a masapul nga iwaragawagtayo.—Isa. 32:3, 4; Apoc. 9:19.