Ania ti Aramidentayo Tapno Maparagsaktayo ti Dios?

Adaywan ti dakes. 1 Corinto 6:9, 10

No ay-ayatentayo ni Jehova, ditay aramiden dagiti banag a kagurana.

Saan a kayat ni Jehova nga agtakaw, agbartek, wenno agdrogatayo.

Kagura ti Dios ti pumatay, aborsion, ken ti agkarelasion nga agpada a lalaki wenno babai. Saanna a kayat a naagumtayo wenno makilabantayo.

Masapul a ditay agdayaw kadagiti idolo wenno makiraman iti espiritismo.

Iti Paraiso a daga, awanton dagiti tattao nga agaramid iti dakes.

Aramidem ti naimbag. Mateo 7:12

Tapno maparagsaktayo ti Dios, ikagumaantayo a tuladen.

Maipakitam ti ayat no agbalinka a naasi ken naparabur.

Napudnoka koma.

Naasi ken manangpakawanka koma.

Ibagam iti sabsabali ti maipapan ken Jehova ken kadagiti dalanna.​—Isaias 43:10.