ACBOR

[Jerbo; Aglaglagto a Managkibkib].

1. Ti ama ni Baal-hanan, a nailista kas maikapito nga ari ti Edom.​—Ge 36:38, 39; 1Cr 1:49.

2. Ti anak ni Mikaias ken talken nga opisial iti palasio ni Ari Josias. (2Ar 22:12) Naawagan “Abdon nga anak ni Mikias” iti 2 Cronicas 34:20. Idi naammuanna ti maipapan iti sumsumged a pungtot ni Jehova a nayebkas iti kadaanan a libro ti Linteg, a nabiit pay laeng a nasarakan, ni Josias imbaonna ni Acbor kas maysa a kameng ti komite a buklen ti lima a mapan iti mammadto a babai a ni Hulda tapno ammuenda no ania ti rumbeng a maaramid. (2Ar 22:8-14) Ni Acbor ti ama ni Elnatan, maysa a prinsipe iti palasio ni Ari Jehoiaquim, ken nalablabit apong ni Ari Jehoiaquin iti tumeng.​—Jer 26:22; 36:12; 2Ar 24:8.