Sálmur

 2 Þú varst til áður en fjöllin fæddust

og þú skapaðir* jörðina og frjósamt landið.+

 3 Þú lætur dauðlegan manninn verða aftur að mold,

þú segir: „Snúið aftur til moldar, þið mannanna börn.“+

 4 Þúsund ár eru í þínum augum eins og gærdagurinn þegar hann er liðinn,+

já, eins og næturvaka.

 5 Þú hrífur mennina burt,+ þeir verða eins og svefninn,

þeir eru eins og grasið sem sprettur að morgni.+

 6 Það blómgast og vex að morgni

en visnar og fölnar að kvöldi.+

 7 Reiði þín tortímir okkur+

og bræði þín skelfir okkur.

 8 Þú veist af öllum misgerðum okkar,*+

leyndarmál okkar afhjúpast í ljósi andlits þíns.+

 9 Dagar* okkar fjara út vegna reiði þinnar

og ár okkar enda eins og andvarp.*

10 Æviskeið okkar er 70 ár

eða 80+ ef við erum sérlega sterk.

En þau einkennast af áhyggjum og sorgum,

þau líða fljótt og við fljúgum burt.+

12 Kenndu okkur að telja daga okkar+

svo að við getum öðlast viturt hjarta.

14 Viltu seðja okkur að morgni með tryggum kærleika þínum+

svo að við getum glaðst og fagnað+ alla daga okkar.

15 Veittu okkur gleði eins marga daga og þú hefur þjakað okkur,+

eins mörg ár og við höfum þolað hörmungar.+

16 Láttu þjóna þína sjá það sem þú gerir

og börn þeirra sjá ljóma þinn.+

Láttu verk handa okkar takast vel,

já, megi verk handa okkar blessast.+