Þjónustusamkomur fyrir september
Vikan sem hefst 6. september
Söngur 17
10 mín: Staðbundnar tilkynningar og tilkynningar frá Ríkisþjónustu okkar.
20 mín: Eflið varnir barna ykkar í skólanum. Ræða með viðtölum og sýnikennslum. Kristin börn og unglingar þurfa að horfast í augu við mál sem margir í söfnuðinum geta ekki einu sinni ímyndað sér. Foreldrar þurfa sérstaklega að vera vel upplýstir um þessa erfiðleika, sem börnin þeirra standa andspænis, til þess að geta hjálpað þeim að vera vel í stakk búin til að kljást við slíkar prófraunir á trúfesti þeirra. Hafið viðtal við þrjú ungmenni á mismunandi aldri. Látið þau nefna einhver dæmi um ákveðinn þrýsting í skólanum sem þau verða að kljást við daglega. Hvað hjálpar þeim að viðhalda góðu sambandi sínu við Jehóva? Hafið sýnikennslu þar sem fjölskylda er að fara yfir grein 2 og 3 á blaðsíðu 11 í bæklingnum School and Jehovah’s Witnesses. Höfuð fjölskyldunnar endursegir efnið stuttlega fyrir börnin. Þau greina frá því að gert sé grín að þeim og þeim finnst þau vera útskúfuð fyrir að halda sér fast við háan siðferðismælikvarða Biblíunnar. Fjölskyldufaðirinn uppörvar börnin með því að láta í ljós að fordæmi þeirra gleðji hann mjög mikið og að Jehóva sé mjög ánægður með hegðun þeirra. (Orðskv. 27:11) Bróðirinn, sem stýrir þessum dagskrárlið, lýkur honum með því að hrósa ungmennunum í söfnuðinum fyrir að standa sig vel og hvetur þau til að eiga góð tjáskipti við foreldra sína til þess að þau megi styrkjast andlega allt þetta skólaár.
15 mín: „Hjálpum öðrum að koma auga á mikinn fjársjóð.“ Farið yfir efnið með spurningum og svörum. Minnið söfnuðinn á að gefa ætti áhugasömu fólki tækifæri til að gefa framlag til alþjóðastarfsins. Boðberi gæti einfaldlega sagt: „Þó að rit okkar séu boðin endurgjaldslaust þiggjum við gjarnan lítils háttar framlög til þessa alþjóðlega fræðslustarfs okkar.“ Þú gætir líka valið að segja eitthvað á þessa leið: „Ef þú kærir þig um að leggja fram lítils háttar framlag til stuðnings þessu biblíufræðslustarfi þá er það velkomið. Framlag þitt mun verða vel metið og notað að fullu til boðunar fagnaðarerindisins um Guðsríki.“ Hafið sýnikennslu, þegar verið er að fjalla um tölugrein 4, þar sem boðberi býður foreldri Lifað að eilífu bókina.
Söngur 9 og lokabæn.
Vikan sem hefst 13. september
Söngur 62
10 mín: Staðbundnar tilkynningar og reikningshaldsskýrslan. Hrósið söfnuðinum fyrir örlát framlög til að mæta útgjöldum hans svo og stuðning hans við alþjóðastarf Félagsins.
10 mín: „Notum blöðin öðrum til gagns.“ Ræða með sýnikennslum. Undirstrikið gildi þess að nota til fulls bæði ný og eldri tölublöð blaðanna. Hafið tvær markvissar sýnikennslur. Í annarri þeirra er nýjasta blaðið boðið en í hinni er sýnt hvernig nota megi gamalt tölublað til að mæta sérstökum þörfum húsráðanda.
15 mín: „Hverju munum við áorka á þessu þjónustuári?“ Ræða ásamt umræðum við áheyrendur. Umsjónarmaður í forsæti annist þetta atriði. Lítið yfir síðasta þjónustuár safnaðarins og hvetjið alla til að gera áætlanir um aukna starfsemi í þágu Guðsríkis þjónustuárið 1994.
10 mín: „Nemum Lifað að eilífu og Sameinuð í tilbeiðslu bækurnar.“ Skoðið fyrst greinina með áheyrendum og látið síðan vel undirbúinn boðbera sýna hvernig flytja megi biblíunám frá bókinni Lífið — varð það til við þróun eða sköpun? yfir í bókina Þú getur lifað að eilífu í paradís á jörð.
Söngur 2 og lokabæn.
Vikan sem hefst 20. september
Söngur 3
10 mín: Staðbundnar tilkynningar. Bendið á fáeinar greinar í nýjustu blöðunum sem nota má til að vekja athygli og áhuga fólks á þeim í starfinu næstkomandi helgi.
20 mín: „Aðstoðum sauðumlíkt fólk að byggja á traustum grunni.“ Ræðið efnið við áheyrendur. Leggið áherslu á nauðsyn þess að undirbúa hverja endurheimsókn. Fáið hæfan boðbera til að sýna hvernig hann notar upplýsingarnar í annaðhvort tölugrein 3 eða 5 þegar hann kemur í endurheimsókn til einstaklings sem þegið hafði Lifað að eilífu bókina.
15 mín: „Heimabiblíunámum komið af stað.“ Spurningar og svör. Komið, að lokinni tölugrein 4, með líflega sýnikennslu þar sem boðberi í endurheimsókn notar aðeins Biblíuna en byggir mál sitt á nokkrum greinum í Lifað að eilífu bókinni eða Rökræðubókinni, eins og stungið er upp á.
Söngur 93 og lokabæn.
Vikan sem hefst 27. september
Söngur 40
10 mín: Staðbundnar tilkynningar og guðveldisfréttir.
20 mín: Hvar eru látnir ástvinir okkar? Umræður innan fjölskyldu. Fjölskyldufaðirinn ræðir um fráfall náins fjölskylduvinar og notar valið efni frá blaðsíðu 98-100 í Rökræðubókinni. (Blaðsíðutölurnar miðast við ensku útgáfuna.) Hann leitast einkum við að hjálpa börnum sínum að fá glöggan skilning á sjónarmiði Biblíunnar. Hann spyr börnin spurninga til að fullvissa sig um að þau skilji hvað dauðinn þýðir og geti tjáð sig skilmerkilega um það í samræmi við aldur sinn og þroska. Hann sýnir þeim líka hvernig þau geti notað Biblíuna og eitthvert af ritum Félagsins til að hughreysta þá sem misst hafa ástvin.
15 mín: Bjóðum blöðin í októbermánuði. Hafið þrjár sýnikennslur. Í þeirri fyrstu er nýjasti Varðturninn notaður, í þeirri næstu nýjasta Vaknið! og í þeirri þriðju er húsráðandinn talsvert upptekinn og þiggur smárit. Að lokinni hverri sýnikennslu ætti stjórnandinn að fara vandlega yfir það með áheyrendum hvers vegna kynningarorðin voru áhrifarík. Þegar menn sýna nægan áhuga má bjóða þeim áskrift að blöðunum eða bókina Lífið — varð það til við þróun eða sköpun?
Söngur 35 og lokabæn.