Þjónustusamkomur fyrir september

Vikan sem hefst 2. september

Söngur 43

10 mín: Staðbundnar tilkynningar og tilkynningar úr Ríkisþjónustu okkar.

15 mín: „Lifum í trú.“ Spurningar og svör.

20 mín: „Kynnum fagnaðarerindið með jákvæðum huga.“ Byggið inngangsorðin á tölugrein 1. Farið að því búnu aðeins yfir tölugreinar 2-5. Hafið sýnikennslur þar sem boðberar nota vandlega undirbúin kynningarorð til að sýna hvernig bjóða megi Sköpunarbókina, fara í endurheimsókn og hefja biblíunám í Þekkingarbókinni. Minnið boðberana á að nefna framlagafyrirkomulagið við húsráðendur.

Söngur 23 og lokabæn.

Vikan sem hefst 9. september

Söngur 66

12 mín: Staðbundnar tilkynningar og reikningshaldsskýrslan. Ræðið um „Prédikum Guðsríki.“

18 mín: Litið yfir skýrslu safnaðarins fyrir þjónustuárið 1996. Uppbyggjandi og kröftug ræða starfshirðis. (Sjá Þjónustubókina, blaðsíðu 100-2.) Bendið á hvar söfnuðurinn stóð sig vel og hrósið honum. Sýnið hvernig starf reglulegra brautryðjenda og aðstoðarbrautryðjenda hefur lagt mikið af mörkum til starfsins á svæði safnaðarins. Nefnið aðsóknartölur að samkomunum og leggið áherslu á mikilvægi þess að sækja þær reglulega. Takið fram í stórum dráttum hvaða raunhæfum markmiðum söfnuðurinn getur leitast við að ná á komandi ári.

15 mín: „Kynnum fagnaðarerindið með jákvæðum huga.“ Farið yfir greinar 6-8 eingöngu og hafið sýnikennslu um kynningarorð í búðastarfinu, bæði fyrir fyrstu heimsókn og endurheimsóknina. Hvetjið alla til að láta ekki dragast að fara í endurheimsókn.

Söngur 50 og lokabæn.

Vikan sem hefst 16. september

Söngur 5

15 mín: Staðbundnar tilkynningar. Nefnið hversu góðan árangur það hefur borið að nota myndbandið Jehovah’s Witnesses—The Organization Behind the Name til að beina áhugasömu fólki til skipulagsins. Endursegið stuttlega eina eða tvær frásagnanna í Varðturninum (á ensku) frá 1. október 1992, blaðsíðu 30-1.

15 mín: „Verum fyrirmynd í orði og í hegðun.“ Spurningar og svör.

15 mín: Kristileg hegðun í skólanum. Faðir talar við son sinn eða dóttur til að benda á alvarlegar tálgryfjur í skólaumhverfinu; hann leggur áherslu á nauðsyn þess að gæta að hvernig félagsskap maður er í og að forðast vafasama starfsemi. Hann fer yfir rammagreinina á blaðsíðu 24 í Menntunarbæklingnum og útskýrir nauðsyn þess að setja gott fordæmi sem vottur Jehóva. Faðirinn minnist á nokkrar freistingar sem upp koma og tengjast fíkniefnaneyslu, stefnumótum við hitt kynið, að fara í boð eða mannfagnað, eða þátttöku í íþróttum; þeir (þau) ræða um hvernig komast megi hjá að lenda í vandræðum. Faðirinn hvetur unglinginn til að draga það ekki að segja honum frá því í trúnaði þegar erfiðleikar koma upp — hann vill vita um þá og veita hjálp.

Söngur 12 og lokabæn.

Vikan sem hefst 23. september

Söngur 8

10 mín: Staðbundnar tilkynningar. Komið með tillögur um hvernig nefna megi framlagafyrirkomulagið þegar við bjóðum rit okkar, þar á meðal eftirfarandi: „Rit okkar eru boðin án þess að beðið sé um greiðslu fyrir þau, en við þiggjum lítils háttar framlög til styrktar alþjóðastarfi okkar.“ „Margir hafa spurt hvernig við getum dreift þessum ritum án þess að taka greiðslu fyrir þau; það gleður okkur að margir sem meta gildi þeirra að verðleikum koma með lítils háttar framlög til alþjóðastarfs okkar.“ „Frjáls framlög standa undir kostnaði við starf okkar. Margir sem hafa ánægju af að lesa ritin okkar leggja eitthvað lítilræði af mörkum til stuðnings þessu biblíufræðslustarfi.“ (Sjá Ríkisþjónustu okkar fyrir desember 1993, blaðsíðu 5.) Útskýrðu hvers vegna mikilvægt er að gefa áhugasömu fólki tækifæri til að leggja eitthvað af mörkum til stuðnings hinu lífsnauðsynlega starfi okkar.

15 mín: Staðbundnar þarfir. Eða ræða byggð á greininni „Líttu lengra en til þess sem þú sérð!“ í Varðturninum (á ensku) 15. febrúar 1996, blaðsíðu 27-9.

20 mín: „Prédikum fagnaðarboðskapinn alls staðar.“ Spurningar og svör. Farið einungis yfir tölugrein 1-15. Lesið tölugreinar 3 og 5. Takið með frásagnir boðbera í söfnuðinum sem hafa góða reynslu af götustarfinu eða því að bera vitni í almenningsfarartæki.

Söngur 96 og lokabæn.

Vikan sem hefst 30. september

Söngur 47

12 mín: Staðbundnar tilkynningar. Ræðið um Spurningakassann.

20 mín: „Prédikum fagnaðarboðskapinn alls staðar.“ Spurningar og svör. Farið yfir tölugreinar 16-35. Hafið sýnikennslur um efnið í tölugreinum 23-5. Lesið tölugreinar 34-5.

13 mín: Skoðið tilboðið í október. Við munum leggja áherslu á að bjóða Varðturninn og Vaknið! Bjóða má áskrift í endurheimsóknum. Ræðið ýmis atriði, eins og: (1) Tilgangurinn með útgáfu blaðanna eins og hann er útskýrður á útgefandasíðunum. (2) Þau eru gefin út á mörgum tungumálum og gefa því fólki um allan heim aðgang að biblíuþekkingu. (3) Varðturninn er ætlaður fyrir einka-, fjölskyldu- og hópnám. (4) Fólk, sem tengist mörgum ólíkum trúarbrögðum, les blöðin. (5) Við munum persónulega fara með nýjustu tölublöðin til þeirra sem langar í einlægni til að lesa þau. (6) Þau eru sérstaklega hönnuð fyrir fólk sem hefur mikið að gera. (7) Varðturninn hefur komið út síðan 1879; Vaknið! síðan 1919. (8) Við dreifum þeim endurgjaldslaust. (Sjá Varðturninn, blaðsíðu 2; Vaknið!, blaðsíðu 4.) Ljúkið með því að endursegja það sem hrifinn lesandi hafði um blöðin að segja. — Sjá Varðturninn (á ensku), 15. apríl 1986, blaðsíðu 32.

Söngur 1 og lokabæn.