Við gleðjumst yfir aukningunni sem Guð gefur

¹ Kristnir menn á fyrstu öld prédikuðu Guðsríki af kappi. Þeir glöddust þegar ‚söfnuðirnir urðu fjölmennari dag frá degi.‘ (Post. 16:5) Djarfmannleg prédikun þeirra náði til Asíu, Evrópu og Afríku og leiddi af sér ríkulega uppskeru trúaðra.

² Jesús spáði að á síðustu dögum næði prédikunarstarfið ‚um alla heimsbyggðina og til allra þjóða.‘ (Matt. 24:14) Á þjónustuárinu 1996 héldum við áfram að fá fréttir af dásamlegri aukningu og að boðberatalan hefði náð nýju hámarki í löndum víða um heim. Margir nýir söfnuðir hafa verið myndaðir. Vegna þessa öra vaxtar hefur reynst nauðsynlegt að reisa hundruð nýrra ríkissala, margar mótshallir, svo og að stækka allnokkrar deildarskrifstofur.

³ Í Ríkiþjónustu okkar fyrir ágúst 1996 var sagt frá umfangsmiklu byggingarstarfi í Afríku. Sams konar vinna á sér stað um alla Rómönsku Ameríku. Í skýrslu Mexíkó fyrir þjónustuárið 1996 er greint frá undraverðu boðberahámarki, sem nam 470.098 boðberum, og að jafnaði 600.751 biblíunámi og kallaði þetta á myndun 466 nýrra safnaða! Áætlað er að vinnu við stækkun deildarinnar þar í landi ljúki undir lok ársins 1999. Svipaður vöxtur í mörgum öðrum löndum leyfir ekki að nokkurt lát verði á ýmiss konar guðveldislegum byggingarframkvæmdum.

⁴ Byggingarkostnaður er alls staðar hár og bræður okkar í mörgum löndum eiga lítið efnislega til að leggja af mörkum. Hins vegar er vissulega að finna hjá þeim mikinn andlegan vöxt og þeim fjölgar stórlega enda er kostgæfni þeirra í þjónustu Jehóva mjög mikil. Orðskviðirnir 28:27 fullvissa okkur um að „sá sem gefur fátækum, líður engan skort.“ Fúsleiki okkar til að hjálpa þeim að standa straum af þessum byggingarkostnaði leiðir til ‚jafnaðar‘ í efnislegum hlutum og gerið öllum kleift að reyna þá hamingju sem því fylgir að gefa og þá gleði sem er samfara því að sjá aukninguna sem Jehóva veitir. — 2. Kor. 8:14, 15; Post. 20:35.

[Mynd á blaðsíðu 4, 5]

Deildin í Paragvæ

[Mynd á blaðsíðu 4]

Deildin í Ekvador

[Mynd á blaðsíðu 4, 5]

Deildin í Mexíkó í byggingu

[Mynd á blaðsíðu 4, 5]

Deildin í Dóminíska lýðveldinu

[Mynd á blaðsíðu 4]

Deildin í Brasilíu með viðbyggingum

[Mynd á blaðsíðu 4, 5]

Deildin í Úrúgvæ í byggingu

[Myndir á blaðsíðu 5]

Dæmigerðir ódýrir ríkissalir í Rómönsku Ameríku

1. Brasilía

2. Nikaragúa

3. Síle

4. Kólumbía

5. Mexíkó

6. Brasilía

7. Perú

8. Venesúela

9. Mexíkó