Ný svæðismótsdagskrá

Hvernig nýturðu góðs af því að ganga með Jehóva? Hvernig geturðu staðist þá freistingu að sökkva þér niður í óguðræðisleg hugðarefni þannig að hagsmunir Guðsríkis víki úr fyrsta sæti í lífi þínu? (Matt. 6:33) Finnst þér erfitt að greina gott frá illu í heimi sem lætur illt líta út fyrir að vera gott? (Hebr. 5:14) Öllu þessu verður svarað á svæðismótinu „Njóttu góðs af því að ganga á vegum Guðs“ á næsta þjónustuári. — Sálm. 128:1.

Á laugardeginum verður sú nýbreytni að fyrirmyndarþjónustusamkoma verður flutt á svæðismótinu. Farandhirðirinn lætur söfnuðina vita hvernig þessu verður hagað svo að allir geti búið sig undir að njóta dagskrárinnar til fulls.

Í dagskrárliðnum „Brautryðjendur — hafið nákvæma gát á hvernig þið gangið“ verður bent á hvernig við getum sýnt visku og skynsemi og skapað okkur tíma til brautryðjandastarfs. (Ef. 5:15-17) Efnið „Gættu þín á vegum sem virðast réttir“ kennir okkur hvernig við getum gengið úr skugga um hvað sé Guði þóknanlegt á sérhverju sviði lífins. Ræðan „Hvernig uppfylltir spádómar snerta okkur“ hjálpar okkur að fylla hug okkar og hjarta elsku til orðs Guðs. Opinberi fyrirlesturinn „Vegir Guðs eru gagnlegir!“ leggur áherslu á hvernig við njótum góðs af því að vera samstíga réttlátum kröfum Jehóva.

Langar þig til að tákna opinberlega með niðurdýfingarskírn að þú viljir ganga á vegum Guðs sem vígður þjónn hans? Þá skaltu ræða við umsjónarmann í forsæti svo að hægt sé að gera nauðsynlegar ráðstafanir.

Einsettu þér að missa ekki af þessu tímabæra svæðismóti. Vertu viðstaddur alla dagskrána, báða mótsdagana, því að „sæll er hver sá, er óttast [Jehóva], er gengur á hans vegum.“ — Sálm. 128:1.