Þjónustusamkomur fyrir september

Vikan sem hefst 6. september

Söngur 190

10 mín: Staðbundnar tilkynningar og valdar tilkynningar úr Ríkisþjónustu okkar.

17 mín: „Starfar þú með markmið í huga?“ Hafið inngangsorðin skemmri en eina mínútu og farið yfir greinina með spurningum og svörum. Takið með efni úr Organized to Accomplish Our Ministry (Þjónustubókinni), bls. 88-9. Hvetjið alla til að vera markvissa í boðunarstarfinu og bera rækilega vitni.

18 mín: „Foreldrar — setjið börnum ykkar gott fordæmi.“ Öldungur flytur stutt inngangsorð og tveir feður ræða síðan efni greinarinnar. Þeir eru áfram um að vernda börn sín fyrir neikvæðum áhrifum í skóla, sjónvarpi og frá ættingjum og öðrum sem eru ekki vottar. Bræðurnir fjalla um ókurteisi og ruddaskap, veraldlegan talsmáta og klæðaburð og óheilnæma skemmtun. Þeir benda á nauðsyn þess að vera góð fyrirmynd og ræða um hvernig örva megi áhuga barna á fjölskyldunámi, samkomum og boðunarstarfi. — Sjá Varðturninn 1. ágúst 1999, bls. 9-22, og Vaknið! (enska útgáfu) 22. september 1991, bls. 8-9.

Söngur 101 og lokabæn.

Vikan sem hefst 13. september

Söngur 171

10 mín: Staðbundnar tilkynningar og reikningshaldsskýrslan.

15 mín: Hvernig stóðum við okkur á síðasta ári? Ræða starfshirðis. Farið yfir helstu þætti starfsskýrslu safnaðarins fyrir þjónustuárið 1999. Hrósið fyrir það sem vel var gert. Bendið á hvar taka mætti framförum. Beinið athyglinni að því hvernig söfnuðurinn hefur staðið sig í samkomusókn og biblíunámsstarfinu. Bendið á raunhæf markmið fyrir komandi þjónustuár.

20 mín: „Hvað geturðu sagt við hindúa?“ Spurningar og svör. Leggið áherslu á kosti þess að finna sameiginlegan umræðugrundvöll og bendið á hvað líklegt sé að hindúar séu okkur sammála um. Bendið á hvernig laga megi kynningartillögurnar að fólki með hvaða trú sem er. Sviðsetjið vel æfða kynningu. Fleiri upplýsingar um hindúatrú er að finna í viðauka Ríkisþjónustu okkar fyrir febrúar 1998, Reasoning from the Scriptures (Rökræðubókinni), bls. 22, og bókinni Mankind’s Search for God (Leit mannkyns að Guði), kafla 5.

Söngur 140 og lokabæn.

Vikan sem hefst 20. september

Söngur 193

12 mín: Staðbundnar tilkynningar og starfsfrásagnir.

15 mín: Staðbundnar þarfir.

18 mín: Notaðu Sköpunarbókina vel. Ræða með sviðsettum kynningum. Í Ríkisþjónustu okkar í apríl 1999 var bent á að alltaf megi bjóða Sköpunarbókina þegar við hittum fólk sem (1) trúir ekki á tilvist Guðs eða (2) trúir á Guð en hefur litla hugmynd um hver hann er eða hvaða eiginleika og fyrirætlanir hann hefur. Nota má kaflaheitin í efnisskránni til að örva áhuga á bókinni eða millifyrirsagnirnar í 17. kafla, „Er hægt að treysta Biblíunni?“ Boðberi gæti líka spurt: „Hefurðu hugleitt hvaða framtíð bíður jarðarinnar?“ Síðan gæti hann bent á viðeigandi efni í 19. kafla, „Brátt verður paradís á jörð,“ notað myndirnar með áhrifaríkum hætti og lesið nokkra vel valda ritningarstaði. Sviðsetjið báðar þessar tillögur og minnist á framlagafyrirkomulagið. Hvetjið alla til að hafa eintak af bókinni meðferðis í boðunarstarfinu og vera reiðubúna að bjóða hana hvar sem við á.

Söngur 175 og lokabæn.

Vikan sem hefst 27. september

Söngur 141

15 mín: Staðbundnar tilkynningar. Minnið boðbera á að skila inn starfsskýrslum fyrir september. Hvetjið alla til að búa sig undir að eiga fullan þátt í blaðastarfinu í október. Farið yfir sumar af tillögunum í Ríkisþjónustu okkar í október 1996, bls. 8, um hvernig undirbúa megi kynningar. Bendið á gott umræðuefni í nýjustu blöðunum og sviðsetjið eina eða tvær stuttar kynningar. Sýnið hvernig minnast megi á framlagafyrirkomulagið við húsráðendur.

15 mín: Spurningakassinn. Ræða öldungs.

15 mín: „Sönn tilbeiðsla eflist í Austur-Evrópu.“ Öldungur fer yfir efnið með spurningum og svörum. Komið með frásagnir úr nýlegum Árbókum um löndin, sem fjallað er um, eða greinið frá aukningunni í þeim.

Söngur 87 og lokabæn.