Þjónustusamkomur

Vikan sem hefst 14. ágúst

Söngur 163

15 mín.: Staðbundnar tilkynningar. Farið yfir „Dagskrá sérstaka mótsdagsins“. Tilkynnið hvenær næsti sérstaki mótsdagur verður haldinn ef það er vitað.

15 mín.: Staðbundnar þarfir.

15 mín.: Vinátta við skólafélaga — hvar liggja mörkin? Ræða og umræður við áheyrendur byggðar á grein í Vaknið! apríl 2006 (enskri útgáfu) bls. 17-19. Biðjið áheyrendur sem ólust upp á kristnum heimilum að segja frá því hvernig foreldrar þeirra bjuggu þá undir að takast á við ýmsar aðstæður og að fylgja meginreglum Biblíunnar í skólanum. Biðjið einn eða tvo boðbera fyrir fram að segja frá reynslu sinni.

Söngur 164 og lokabæn.

Vikan sem hefst 21. ágúst

Söngur 62

10 mín.: Staðbundnar tilkynningar og valdar tilkynningar úr Ríkisþjónustunni. Farið yfir „Dagskrá svæðismótsins“ og tilkynnið hvenær næsta svæðismót verður haldið ef það er vitað.

15 mín.: Höfum gagn af Varðturnsnáminu og opinbera fyrirlestrinum. Ræða og umræður við áheyrendur byggðar á kafla 7 í bókinni Söfnuður sem er skipulagður til að gera vilja Jehóva sem finna má í viðaukanum. Farið yfir bls. 4-5 að millifyrirsögninni „Þjónustusamkoman“.

20 mín.: Byrjaðu nú þegar að huga að aðstoðarbrautryðjandastarfinu. Ræða og umræður við áheyrendur. Hvetjið alla til að setja sér það markmið að vera aðstoðarbrautryðjandi að minnsta kosti einu sinni á næsta þjónustuári. (1. Kor. 9:26) Sumir gætu valið mánuð þegar eitthvað sérstakt er á dagskrá eða mánuð sem hefur aukafrídaga eða fimm helgar. Spyrjið áheyrendur: Hvernig hafið þið yfirstigið hindranir til að geta verið aðstoðarbrautryðjendur? Hvaða blessun veitir aðstoðarbrautryðjandastarfið? Ef þú hefur löngun til að taka þátt í þessu starfi en ert í vafa um hvort þú getir það ættirðu að gera það að bænarefni. (Post. 4:29; 2. Kor. 4:7; Jak. 1:5) Hvers vegna er líka gott að ræða þetta innan fjölskyldunnar og við aðra í söfnuðinum, sérstaklega þá sem eru í svipaðri aðstöðu og þú? (Orðskv. 15:22) Hvenær ætlar þú að vera aðstoðarbrautryðjandi?

Söngur 216 og lokabæn.

Vikan sem hefst 28. ágúst

Söngur 17

10 mín.: Staðbundnar tilkynningar. Lesið reikningshaldsskýrsluna og staðfestingu á framlögum sem hafa verið send. Minnið boðbera á að skila skýrslum um starfið í ágúst. Notið tillögurnar á bls. 12 eða aðrar tillögur og sýnið hvernig bjóða má Varðturninn 1. september og Vaknið! júlí-september þegar farið er í endurheimsókn á blaðaleið.

15 mín.: Uppörvum hvert annað. (Rómv. 1:11, 12) Ræða og umræður við áheyrendur. Segið frá hve margir brautryðjendur eru í söfnuðinum. Nefnið hvernig við getum hvatt þá og stutt með því að hrósa þeim, tala jákvætt um brautryðjandastarfið, starfa með þeim, bjóða þeim í mat og aðstoða þá með ferðaútgjöld. Biðjið brautryðjendur að segja frá hvernig þeir hafa fengið uppörvun frá öðrum. Ef engir brautryðjendur eru í söfnuðinum skal ræða um hvernig við getum uppörvað aðstoðarbrautryðjendur.

20 mín.: Reynum að hefja biblíunámskeið í september. Ræða og sýnidæmi. Í september ætlum við að gera sérstakt átak í því að hefja biblíunámskeið í fyrstu heimsókn með hjálp bókarinnar Hvað kennir Biblían? Þegar við dreifum bókinni reynum við að fara yfir og ræða um nokkrar greinar með húsráðanda. Sýnið tvö dæmi um kynningarorð sem eiga við á svæðinu. Sýnið í báðum tilfellum hvernig hægt er að ákveða að hittist aftur til að halda samtalinu áfram.

Söngur 37 og lokabæn.

Vikan sem hefst 4. september

Söngur 90

10 mín.: Staðbundnar tilkynningar.

15 mín.: „Sérútgáfa af Vaknið! fyrir október til desember.“*

20 mín.: „Sýnum persónulegan áhuga með því að prédika án hlutdrægni.“* Þegar rætt er um Rómverjabréfið 1:14 sem vitnað er til í lok 2. greinar má nefna stuttlega það sem kemur fram í Insight 1. bindi, bls. 255 (fyrstu efnisgrein), undir „Barbarian“. Eftir að hafa rætt um gr. 3 skal rifja upp atriðin þrjú sem talin eru upp á bls. 2 í bæklingnum Good News for People of All Nations (Fagnaðarerindi fyrir fólk af öllum þjóðum). Sviðsetjið hvernig nota skal bæklinginn þegar við hittum fólk á safnaðarsvæðinu sem talar annað tungumál.

Söngur 225 og lokabæn.

* Hafið inngangsorðin skemmri en eina mínútu og farið yfir greinina með spurningum og svörum.