ÞJÁLFUNARLIÐUR 14

Aðalatriðin dregin fram

Hebreabréfið 8:1

YFIRLIT: Hjálpaðu áheyrendum þínum að fylgjast með efninu og sýndu fram á hvernig hvert aðalatriði tengist markmiði og stefi ræðunnar.

Settu þér markmið. Íhugaðu hvort ræðan eigi að upplýsa, sannfæra eða hvetja áheyrendur. Síðan skaltu vinna úr efninu í samræmi við það. Vertu viss um að aðalatriðin hjálpi þér að ná markmiðinu sem þú settir þér.

Spyrðu þig: „Hvaða spurningar eða mótbárur gætu áheyrendur komið með varðandi efnið? Í hvaða röð myndu þeir setja fram þessar spurningar eða mótbárur?“ Raðaðu síðan efninu í sömu röð svo að áheyrendur þínir geti fylgst með, skilið og meðtekið upplýsingarnar.
Leggðu áherslu á ræðustefið. Nefndu stefið út í gegnum ræðuna með því að endurtaka lykilorðin í stefinu eða nota samheiti.
Hafðu aðalatriðin skýr og einföld. Veldu eingöngu aðalatriði sem tengjast stefinu og þú getur útskýrt vel á þeim tíma sem þú hefur til umráða. Ekki hafa of mörg aðalatriði. Taktu skýrt fram hvert aðalatriði fyrir sig, taktu síðan málhvíld og snúðu þér að næsta aðalatriði.

Þú gætir nefnt aðalatriðin í inngangsorðunum til að hjálpa áheyrendum að fylgjast með eða endurtekið þau í lokaorðunum til að hjálpa áheyrendum að muna þau.