Notum tímann skynsamlega
1 Okkur langar til að þóknast Jehóva og það fær okkur til að láta lífið snúast um andlegu málin. Orð hans bendir okkur á að leita fyrst ríkis hans og meta þá hluti rétt, sem máli skipta. (Matt. 6:33; Fil. 1:10) Hvernig getum við notað tímann vel í þágu Guðsríkis og haldið því sem minna máli skiptir innan hóflegra marka? — Ef. 5:15-17.
2 Látum andlegu málin ganga fyrir: Skipuleggðu tíma þinn þannig að þú sóir honum ekki í óþarfa. Sumir byrja hvern mánuð á því að taka frá ákveðinn tíma á dagatalinu fyrir boðunarstarfið. Síðan passa þeir að láta ekkert koma í veg fyrir að áformin gangi eftir. Það sama má gera til að taka frá tíma fyrir samkomur, sjálfsnám og mót. Margir setja biblíulestur inn á stundaskrá sína annaðhvort í upphafi eða lok dagsins. Taktu frá ákveðinn tíma fyrir hvert um sig og leyfðu ekki öðru að trufla það að óþörfu. — Préd. 3:1; 1. Kor. 14:40.
3 Notum heiminn í hófi: Í sumum löndum er mikið framboð af íþróttum, skemmtunum, tómstundagamni og annarri afþreyingu. Margir eyða óhóflega miklum tíma í sjónvarpsgláp eða fyrir framan tölvuna. En á endanum veldur það okkur vonbrigðum ef við notum of mikinn tíma í skemmtun og afþreyingu og erum of upptekin af nýjustu græjunum sem þessi heimur hefur upp á að bjóða. (1. Jóh. 2:15-17) Þess vegna hvetur Ritningin okkur til að nota heiminn eins og við færðum okkur hann ekki í nyt. (1. Kor. 7:31) Með því að hlýða þessu góða ráði geturðu sýnt Jehóva að þjónustan við hann skipar fyrsta sætið í lífi þínu. — Matt. 6:19-21.
4 Tími núverandi heimskerfis er senn á enda. Þeir sem láta andleg mál ganga fyrir í lífi sínu eru glaðir og njóta hylli Guðs. (Orðskv. 8:32-35; Jak. 1:25) Tíminn er verðmætur. Notum hann því skynsamlega.