Vefsetur okkar – notaðu það í boðunarstarfinu

Bentu fólki á vefsetrið: Sumir eru hikandi að tala við okkur eða þiggja af okkur rit en þeir eru fúsir til að nota jw.org til að kynna sér söfnuðinn heima hjá sér. Notaðu því öll viðeigandi tækifæri til að benda á vefinn okkar.

Svaraðu spurningum: Stundum spyrja húsráðendur, áhugasamir eða kunningjar spurninga um votta Jehóva eða trú okkar. Þú getur notað spjaldtölvu, snjallsíma eða tölvu til að sýna honum svarið þegar í stað. Oft er best að lesa ritningarstaðina, sem vísað er til, beint upp úr Biblíunni. Ef þú hefur ekki aðgang að Netinu þá stundina geturðu bent viðmælandanum á að hann geti notað jw.org til að finna svarið sjálfur. – Veldu „Biblían og lífið/Biblíuspurningar og svör“ eða „Um okkur/Spurningar og svör“.

Sendu grein eða rit til fólks sem þú þekkir: Þú getur hlaðið niður grein eða riti á PDF- eða EPUB-formi og sent sem viðhengi í tölvupósti. Þú getur líka hlaðið niður hljóðriti og brennt það á geisladisk. Í hvert sinn sem þú afhendir einstaklingi, sem er ekki skírður vottur, heila bók, bækling eða tímarit á rafrænu formi máttu telja það sem dreifingu þegar þú gefur starfsskýrslu. Hvorki ætti að senda efni í stórum stíl né án þess að geta til um sendanda. Það ætti ekki heldur að hlaða upp efni á aðrar vefsíður. – Veldu „Útgáfa“.

Bentu á nýjustu fréttir um votta Jehóva: Þannig geturðu sýnt biblíunemendum og öðrum, sem þú heimsækir, að starf okkar er alþjóðlegt og að við séum sameinaður söfnuður. (Sálm. 133:1) – Veldu „News“.

[Skýringarmynd á bls. 5]

(Sjá uppsettan texta í ritinu)

Prófaðu þetta

1 Smelltu á valmyndina „Útgáfa“, finndu ritið sem þú vilt hlaða niður og veldu svo það snið sem þú vilt fá með því að smella á viðeigandi hnapp.

2 Ef ritið er til sem hljóðrit geturðu smellt á „MP3“ hnappinn til að sjá yfirlit yfir greinarnar. Smelltu síðan á fyrirsögn til að hlaða greininni niður eða ▸ til að hlusta á hana á Netinu.

3 Veldu annað tungumál af þessum lista til að hlaða niður riti á því máli.