Verkfærakistan okkar
1. Hvað er líkt með boðberum Guðsríkis og iðnaðarmönnum?
1 Iðnaðarmenn nota ýmiss konar verkfæri. Sum eru notuð af og til fyrir sértæk verkefni en aðalverkfærin eru oft notuð. Reyndir iðnaðarmenn láta aðalverkfærin aldrei vanta í verkfærakistuna sína og eru flinkastir að nota þau. Í Biblíunni eru allir þjónar Guðs hvattir til að leggja sig fram og vera ,verkamenn sem þurfa ekki að skammast sín‘. (2. Tím. 2:15) Hvaða verkfæri er mikilvægast í verkfærakistunni okkar? Það er orð Guðs – aðalverkfærið sem við notum til að ,gera fólk að lærisveinum‘. (Matt. 28:19, 20) Þess vegna ættum við að leggja okkur fram við að fara „rétt með orð sannleikans“. En það eru fleiri kennslugögn í verfærakistunni okkar sem við notum oft og allir þjónar Guðs ættu að læra að nota þau af leikni til að kenna fólki sannleikann. – Orðskv. 22:29.
2. Hver eru helstu verkfærin okkar?
2 Helstu verkfærin: Hvaða verkfæri ættum við að nota, auk Biblíunnar? Eitt helsta verkfæri okkar til að kenna sannleika Biblíunnar er Hvað kennir Biblían? Þegar við höfum farið yfir bókina með nemandanum notum við „Látið kærleika Guðs varðveita ykkur“ til að kenna honum að fara eftir meginreglum Biblíunnar í daglegu lífi. Við ættum þess vegna að reyna að verða leikin í að nota þessar tvær bækur. Nokkrir bæklingar ættu líka að vera í verkfærakistunni. „Gleðifréttir frá Guði“ er eitt af okkar bestu verkfærum til að hefja biblíunámskeið. Við gætum líka notað bæklinginn Hlustaðu á Guð og lifðu að eilífu ef sumir á starfssvæðinu hafa takmarkaða lestrarkunnáttu eða ef fá eða engin rit eru til á móðurmáli einhverra íbúanna. Bæklingurinn Hverjir gera vilja Jehóva? er mikilvægt kennslugagn til að beina nemendum til safnaðarins. Myndskeið eins og Hvers vegna ættum við að kynna okkur Biblíuna?, Hvernig fara samkomur okkar fram? og Á Guð sér nafn? eru gagnleg verkfæri sem við ættum að læra að nýta okkur til að gera fólk að lærisveinum.
3. Hvernig eiga greinar, sem koma seinna í Ríkisþjónustu okkar, eftir að hjálpa okkur?
3 Seinna koma greinar í Ríkisþjónustu okkar sem hjálpa okkur að verða leikin í að nota helstu ritin í verkfærakistunni okkar. Þegar við leggjum okkur fram við að nota þessi verkfæri af leikni erum við að fylgja innblásnu leiðbeiningunum: „Haf gát á sjálfum þér og fræðslunni. Ver stöðugur við þetta. Þegar þú gerir það muntu bæði frelsa sjálfan þig og áheyrendur þína.“ – 1. Tím. 4:16.