Höfum við ekki heyrt þetta áður?
1 Auðvitað höfum við heyrt það áður! Jehóva endurtekur fjölmargt í Biblíunni fólki sínu til gagns. Jesús endurtók oft kenningu sína um ýmsa þætti Guðsríkis og postular hans rifjuðu sífellt upp andleg efni fyrir þeim sem voru rótfastir í sannleikanum. — Rómv. 15:15; 2. Pét. 1:12, 13; 3:1, 2.
2 Skipulag Jehóva sér til þess að mikilvæg viðfangsefni séu rifjuð upp á safnaðarsamkomum aftur og aftur. Sum rit hafa verið numin mörgum sinnum. Það er þýðingarmikið að heyra aftur það sem við höfum heyrt áður.
3 Endurteking er nauðsynleg: Áminningar Jehóva dýpka skilning okkar, gera okkur víðsýnni og styrkja ásetning okkar að halda stefnunni andlega. (Sálmur 119:129, NW) Að rifja upp staðla Guðs og frumreglur er eins og að horfa í spegil. Það hjálpar okkur að grannskoða okkur og spornar gegn þeirri tilhneigingu að ‚gleyma því sem við höfum heyrt.‘ — Jak. 1:22-25
4 Ef við minnum okkur ekki stöðugt á sannleikann fara aðrir hlutir að hafa áhrif á hjarta okkar. Áminningar og reglur Guðs styrkja okkur til að standa gegn spillandi áhrifum heims Satans. (Sálm. 119:2, 3, 99, 133; Fil. 3:1) Þær reglulegu áminningar, sem við fáum um framvindu tilgangs Guðs, eru okkur hvatning til að ‚vaka.‘ (Mark. 13:32-37) Endurtekning biblíusanninda heldur okkur á veginum til eilífs lífs. — Sálm. 119:144, NW.
5 Njótum góðs af endurtekningum: Við þurfum að ‚beygja hjarta okkar að reglum‘ eða áminningum Guðs. (Sálm. 119:136) Þegar fara á yfir kunnuglegt efni á safnaðarsamkomu ættum við að undirbúa okkur fyrir fram, fletta upp tilvitnuðum ritningarstöðum og hugleiða hvernig við getum tileinkað okkur upplýsingarnar. Sleppum ekki að undirbúa okkur fyrir skriflega upprifjun Guðveldisskólans eins og það sé óþarft. (Lúk. 8:18) Við viljum aldrei vera eftirtektarlaus því að oft eru undirstöðusannindi endurtekin á samkomum okkar. — Hebr. 5:11.
6 Megum við hafa sama viðhorf og sálmaritarinn: „Yfir vegi vitnisburða [„áminninga,“ NW] þinna gleðst ég eins og yfir alls konar auði.“ (Sálm. 119:14) Við höfum heyrt þessi dýrmætu sannindi áður og fáum trúlega að heyra þau aftur. Hvers vegna? Vegna þess að Jehóva veit að við þurfum á því að halda!