Ẹjiroro Ọrọ Izoẹme Uwuhrẹ Na

Izoẹme Uwuhrẹ 1, 2 ẸWẸ-OBE AVỌ 3-11

Ikuigbe Ebaibol nọ ma re roro didi kpahe e rẹ bọ ẹrọwọ mai ga. Ma te bi roro kpahe Jihova kẹse kẹse, o ti yo elẹ mai. Rekọ ma re yoẹme kẹ Ọghẹnẹ je fievahọ iẹe ẹsikpobi hrọ. Ma tẹ be nya evaọ idhere riẹ, u ti ru nọ amọfa a sai ro fi eva họ omai, u re je ru omai wo omaurokpotọ, uduowha, je wo ọdawẹ kẹ amọfa.

Izoẹme Uwuhrẹ 3, 4 ẸWẸ-OBE AVỌ 12-20

Jesu Kristi họ imishọnare nọ ọ mae rro. Jọ izoẹme nana wuhrẹ kpahe epanọ Ọghẹnẹ o ro wuhrẹ iẹe, oghẹrẹ nọ Jesu o ro wuhrẹ ahwo, gbe oware nọ ahwo a ro you rie. Wuhrẹ kpahe epanọ ma rẹ rọ raro kele Jesu gbe epanọ ma sai ro wuhrẹ ahwo evaọ edhere nọ u re duobọte udu rai nọ ma be ta usiuwoma kẹ ae.

Uzoẹme Uwuhrẹ 5 ẸWẸ-OBE AVỌ 21-25

Wuhrẹ kpahe oware nọ o soriẹ nọ a sae rọ ta inọ ọzino Kristi o rehọ etoke krẹkri. Kiẹ imuẹro Ikereakere na riwi, enọ i dhesẹ ahwo nọ i ru “oge ọnana” via nọ Jesu ọ ta ẹme te na. (Mat. 24:34) Re whọ jẹ ruẹ oware nọ o gbẹ rọ lọhọ họ re a kele epanọ “oge ọnana” o kri te.