Iwuhrẹ Odibọgba Ọrọ February
Oka nọ O Rọ February 5 Muhọ
Ole Avọ 96 (24)
10 min: Iwhowhovia obọ mai. Salọ Iwhowhovia no Odibọgba Uvie Mai ze. Usi Iruo Uvie.
15 min: “Ewhowho Uzẹme na Kẹdẹ Kẹdẹ Evaọ Aro Orokele Jesu.” Enọ gbe iyo. Se edhe-ẹme 5.
20 min: “Obe Eviavia—Usiavẹ Kpohọ Evawere Uzẹme.” T’ẹme kpahe ẹjiroro nọ a kẹ, je ru odhesẹvia ọvo hayo ivẹ.
Ole Avọ 14 (6) gbe olẹ ekuhọ.
Oka nọ O Rọ February 12 Muhọ
Ole Avọ 191 (18)
10 min: Iwhowhovia obọ mai.
15 min: “Ruẹrẹ Oma Kpahe kẹ Iruo Emagazini Evaọ April.” Ru aghare Uwou-Eroro Na gbe Awake! vevẹ evaọ ẹrọvia emamọ usi na. Se edhe-ẹme ivẹ evaọ uzoẹme na, je dhesẹ oware nọ ukoko na u ti ru re a ru amara April obọdẹ amara ọrọ emagazini eghale.
20 min: “Jihova Ọ rẹ Kareghẹhọ Enọ E be Mọ gbe Enọ e Kpako No.” Ẹme nọ ọkpako o re ru no Uwou-Eroro (ọrọ Oyibo) August 1, 1993, ewẹre-obe 26-30 ze.
Ole Avọ 133 (68) gbe olẹ ekuhọ.
Oka nọ O Rọ February 19 Muhọ
Ole Avọ 72 (58)
10 min: Iwhowhovia obọ mai. Iyẹrẹ igho nẹ.
15 min: “Wo Erere No Isukulu Odibọgba Ọghẹnẹ Ọrọ 1996 na Ze—Abọ 2.” Ẹme nọ ọsẹro isukulu ọ rẹ ta. Fi ẹgba họ oware nọ u je fo re a se Ẹme Ọghẹnẹ kẹdẹ kẹdẹ.
20 min: “Fiobọhọ Kẹ Ai Wo Otoriẹ.” Kiẹ ẹjiroro nọ a re ro ru izihebro nọ a kẹ na riwi. Ọkpako avọ iwhowho-uvie ivẹ hayo esa a rẹ t’ẹme kpahe eware sa-sa ọ obe Revelation Climax na gbe epanọ a sai ro ru enana vevẹ. Ru odhesẹvia ọvo hayo ivẹ. Kẹ ẹjiroro epanọ a sai ro mu isiuru họ, te oria nọ a jẹ sai mu uwuhrẹ Ebaibol họ avọ obe Eriariẹ Nọ I Re Su Kpohọ Uzuazọ Ebẹdẹ Bẹdẹ na.
Ole Avọ 53 (27) gbe olẹ ekuhọ.
Oka nọ O Rọ February 26 Muhọ
Ole Avọ 28 (5)
10 min: Iwhowhovia obọ mai.
15 min: Omaruẹrẹhọ kẹ Idhesẹvia nọ I re Siuru. Ọsẹro iruo hayo ọkpako ọfa ọ rẹ tẹme kugbe iwhowho-uvie ivẹ hayo esa kpahe irere idhesẹvia nuwou ruọ uwou nọ a rẹ rehọ oware nọ u wo isiuru kẹ ẹkwotọ rai ru. Wọhọ oriruo, iyẹrẹ ẹkwotọ mai e rẹ ta kpahe omodawọ ahwo epanọ a re ru eyero ẹria rai woma; ebẹbẹ orọo nọ i bi viharo, emọ aghẹmeeyo, hayo ebẹbẹ iruo gwọlọ; hayo iyẹrẹ nọ i dhesẹ oware nọ ahwo a gbe bi fieva họ ifue nọ otu isuẹsu gbe ilorida a be kẹ hẹ. Fodẹ iyẹrẹ ekpokpọ jọ evaọ ẹkwotọ ra, jẹ tẹme kpahe oghẹrẹ nọ a sae rọ rehọ ae mu ẹme họ.
20 min: Efihọ ada obe Eriariẹ Nọ I Re Su Kpohọ Uzuazọ Ebẹdẹ Bẹdẹ na evaọ amara March. Riobọhọ eware isiuru obe na jọ nọ a sai ro mu ẹme họ. (1) Rẹriẹ ova ahwo na kpohọ iwoho nọ i re siuru, wọhọ enọ a dhesẹ evaọ ewẹre-obe 4-5, 86, 124-125, 188-189. (2) Dhesẹ oghẹrẹ nọ uzou ovuovo u ro kuhọ avọ enọ ọkiẹkpemu, je dhesẹ oghẹrẹ nọ a sae rehọ enana fi obe họ ada. Whọ sae nọ ọnọ o wo uwou na jọ o te were iẹe re ọ riẹ iyo enọ na. Salọ enọ jọ evaọ udevie enọ a kere fihọ ewẹre-obe 11, 22, 61, 149. (3) Riobọ kpohọ ẹkpẹti nọ ọ rọ ẹwẹre-obe 102, jẹ kẹ ẹjiroro ro dhesẹ epanọ a rẹ rọ rehọ “Eviavia Ilogbo jọ nọ I w’Abọ Kpahe Edẹ Urere Na” kpare isiuru. (4) Dhesẹ oghẹrẹ nọ a rọ nabi ru ona họ obe na kẹ obe uwuhrẹ nọ o rẹ nya owowa. Izou riẹ e rẹ kpẹkpẹe, eme riẹ e rẹ lọlọhọ evaọ otoriẹ, ikereakere nọ iwo ẹgba e riẹ, yọ enọ nọ e rẹ kiẹ ohwo riwi e riobọhọ igogo eme na. Fi ọwhọ họ ahwo na kpobi oma re a fi obe na họ ada avọ ẹjiroro nọ a re ro mu ebe iwuhrẹ họ.
Ole Avọ 151 (25) gbe olẹ ekuhọ.