Ẹghọghọ Kugbe Ẹvi nọ Ọghẹnẹ Ọ rẹ Kẹ
1 Ileleikristi ikpe-udhusoi ọsosuọ a jọ iwhowho Uvie ajọwha. A ghọghọ evaọ okenọ ‘unu ikoko na u je vihọ kẹdẹ kẹdẹ.’ (Iruẹru 16:5) Ewhowho ajọwha rai o kẹre kpohọ Asia, Europe, gbe Africa, nọ o wha ivuẹvu ilogbo enọ e rọwo ze.
2 Jesu ọ ruaro nọ evaọ edẹ urere na, iruo awhowho na u ti te ‘akpọ na kpobi gbe erẹwho na kpobi’! (Mat. 24:14) Evaọ etoke ukpe iruo 1996, iyẹrẹ i gbe bi t’omai obọ erọ ẹvi igbunu gbe unu iwhowho-uvie nọ e mai bu kpobi no ekwotọ nọ e wariẹ akpọ na soso ze. A ru ikoko kpokpọ buobu no. Ẹvi ọkpakpata nana u ru rie r’oja re a bọ Egwa Uvie gbe Egwa Okokohọ udhusoi buobu jegbe erukẹre unu iwou ogha buobu.
3 Odibọgba Uvie Mai ọrọ August 1996 o niyẹrẹ kpahe iruo ebabọ ologbo nọ o be via evaọ Africa. Oghẹrẹ iruo evona i muhọ no evaọ Latin America soso. Rọkẹ ukpe iruo 1996, Mexico ọ niyẹrẹ unu iwhowho-uvie nọ o mae bu ọrọ 470,098 nọ unu ẹghale ebe iwuhrẹ Ebaibol riẹ o rọ 600,751, nọ o gwọlọ nọ a re mu ikoko ekpokpọ nọ i bu te 466 họ! A m’oma erukẹre uwou ogha rai nọ u ti kuhọ evaọ urere ọ 1999. Ẹvi ọvona evaọ erẹwho efa o be kuvẹ kẹ eriosehọ họ evaọ egheghẹrẹ iruo ebabọ Ọghẹnẹ.
4 Unuigho ebabọ e rọ ghaghae evaọ oria kpobi, yọ inievo mai nọ e rọ ekwotọ buobu a wo ugho buobu nọ a rẹ sae zọhọ họ. Ghele, evaọ ajọwha ologbo rai kẹ iruo Jihova, a be ghinẹ rro haro evaọ ẹzi gbe eviharo evaọ ubu logbo. Itẹ 28:27 ọ k’omai imuẹro inọ “ohwo nọ o re [sinobọ] kẹ iwhrori, u re ku ei hi.” Unevaze mai re ma fiobọhọ kẹ ẹgwọlọ ọnana gbe igho ebabọ o rẹ wha “ẹrẹrẹe” eware iwo ze, nọ u re ru ahwo kpobi wo evawere nọ u re no ẹkẹ gbe oghọghọ nọ u re lele ẹruẹ ẹvi nọ Jihova ọ rẹ kẹ ze!—2 Kor. 8:14, 15; Iruẹru 20:35.
[Picture on page 4]
Ogha Paraguay
[Picture on page 4]
Ogha Ecuador
[Picture on pages 4, 5]
Ebabọ Mexico nọ A be Bọ
[Picture on pages 4, 5]
Ogha Dominican Republic
[Picture on page 4]
Ogha Brazil avọ Abọ riẹ nọ A Ru Kẹre
[Picture on pages 4, 5]
Ogha Uruguay nọ A be Bọ
[Pictures on page 5]
Oghẹrẹ Egwa Uvie umutho-igho eva Latin America
1. Brazil
2. Nicaragua
3. Chile
4. Colombia
5. Mexico
6. Brazil
7. Peru
8. Venezuela
9. Mexico