Fiọ Eware nọ E Mae r’Oja Họ Obaro
1 Didi eware jọ nọ i w’uzou e r’oja kẹ omokpokpọ ẹzi mai? Enana jọ họ ewuhrẹ omobọ ohwo, iwuhrẹ enya, olẹ ikẹse kẹse, usu uwoma, gbe odibọgba Oleleikristi. Ma rẹ sae yọrọ omokpokpọ ẹzi hi ababọ eware nọ i w’uzou nọ ma rẹ rọ k’aro evaọ izuazọ mai.
2 Dede na, mai kpobi ma wo ohọre mukpahe isiuru iwo je wo ẹgwọlọ ọwhọkuo. (Gal. 5:17) Wha joma roro vievie he inọ ma te bi le isiuru omobọ mai ẹsiẹe ma jẹ mai wo erere. (Jeri. 17:9) Fikiere, otẹrọnọ ma rẹ sẹro udu mai jẹ whaha esuthọ, kiyọ oma okiẹriwo o r’oja.—Itẹ 4:23; 2 Kọr. 13:5.
3 Kiẹ Udu Obọ Ra Riwi: Whọ sai ru onana ẹkwoma enọ oruọzewọ jọ nọ whọ rẹ nọ omobọ ra: Kọ o r’omẹ oja re me se Ẹme Ọghẹnẹ? (1 Pita 2:2) Kọ me vuhu aghare ọ ẹnya kpohọ iwuhrẹ na kpobi mu? (Hib. 10:24, 25) Kọ me bi thihakọ evaọ olẹ? (Rom 12:12) Kọ mẹ be gwọlọ usu ahwo nọ a wo iroro ẹzi? (Rom 1:11, 12) Kọ mẹ rehọ ewhowho usiuwoma na wọhọ owha-iruo mẹ? (1 Kọr. 9:16) Iyo eliọliọ i re dhesẹ nnọ whọ gwọlọ nọ who re fi eware nọ e mae r’oja họ obaro.
4 Kiẹ Oma-Iruo Ikẹdẹ-Kẹdẹ Ra Riwi: O gwọlọ nọ whọ rẹ nya lele ọkiẹriwo ọ ẹgwọlọ udu ra ẹkwoma ẹmafihotọ oke nọ who re ro ruiruo. Onana u kugbe oke nọ a rẹ ma fihotọ rọkẹ ese ikẹse kẹse Ebaibol na gbe ukere ọ Uwou-Eroro Na gbe Awake! kpobi, jegbe omaruẹrẹkpahe kẹ iwuhrẹ na. A re fi oke họ hrọ re rọkẹ uviuwou na re a wuhrẹ jẹ lẹ kugbe. Fi umuo oke họ rọkẹ ughe-uriwo ọ TV, kọmputa, hayo iweze gbe ẹmeọta gheghe. Wo ọtamuo re who kpohọ iwuhrẹ na kpobi, re who fi eware efa kpobi họ emu rai. M’oma kẹ uviuwou na kpobi re a wo abọ eva usiuwoma ota k’oka k’oka.
5 Ababọ avro, efihọ obaro eware nọ e mae r’oja evaọ uzuazọ mai o rẹ te jọ oware oghọghọ.