Eme Mẹ te Ta?

Nọ ma tẹ nyaku ahwo nọ e gaviezọ ziezi evaọ odibọgba na, u re si omai urru re ma zihe re ma gbe se isẹri kẹ ai. Ghele na, ẹsejọhọ ma riẹ ẹme nọ ma rẹ ta re ma rọ kpare isiuru rai kẹ ẹmeọta okiofa ha. Whọ rẹ sae dawo ẹjiroro ọnana: Kpare onọ isiuru jọ, who ve rovie kpohọ obe ọ Reasoning na ro dhesẹ uyo Ikerakere na. O sai fiobọhọ re who wo enọ jọ nọ whọ rẹ sae jọ salọ onọ who roro nọ o te mae kpare isiuru evaọ iweze jọ. Enọ nọ e rọ obotọ na, enọ a salọ no obe ọ Reasoning ze na, i dhesẹ inọmba ẹwẹ-obe nọ a jọ ruẹ uyo ọvuọvo:

◼ Fikieme ma jẹ be rro kpako je whu? (98)

◼ Kọ uvi ẹjiroro jọ o riẹ nọ ma jẹ rọwo Ọghẹnẹ? (145)

◼ Kọ Ọghẹnẹ ọ be ghinẹ daezọ kpahe oware nọ o be via kẹ omai ahwo-akpọ? (147)

◼ Kọ o gbahọ nnọ ohwo o re kpohọ odhiwu tao re o te wo uzedhe obaro evawere? (163)

◼ Fikieme u je wuzou re a riẹ je fi odẹ oma Ọghẹnẹ h’iruo? (196)

◼ Eme Uvie Ọghẹnẹ o ti rugba? (227)

◼ Eme họ ẹjiroro uzuazọ ohwo-akpọ? (243)

◼ Fikieme egagọ i je bu t’enẹ? (322)

◼ Ẹvẹ ohwo ọ sae rọ riẹ egagọ nọ i woma? (328)

◼ Ẹvẹ Setan o bi dhesẹ ogaga te evaọ akpọ inẹnẹ? (364)

◼ Fikieme Ọghẹnẹ ọ jẹ kẹ uye-oruẹ uvẹ? (393)

◼ Fikieme emuemu o je bu t’enẹ? (427)

Whọ rẹ sai fi ẹwẹ-obe enọ itieye na họ eva Ebaibol ra hayo obe ọ Reasoning ra re o kẹle owhẹ obọ. Nọ who wo uzedhe ẹme nọ whọ rẹ ta no na evaọ izihebro ra, o te tudu họ owhẹ awọ re whọ nya lele isiuru nọ whọ ruẹ kpobi fuafo.