Ẹkpẹti Onọ
◼ Kọ whọ ruẹrẹ oma kpahe no kẹ uyero idudhe?
Evaọ akpọ ọgbọna, ẹsibuobu “oke gbe uvẹ” i re kuomagbe wha uyero usiwo imu idudhe ze, kugbe otunyẹ re a se azẹ fihọ oma. (Ọtausi. 9:11) Re ma sae ruẹrẹ oma kpahe kẹ eware itieye nọ i re kieze, Jihova ọ kẹ obufihọ no evaọ idhere buobu ẹkwoma ukoko riẹ, rekọ o rẹro mi omai re ma ru ẹk’abọ mai. Eware ọ ọkiẹriwi jọ nọ i ti fiobọhọ k’owhẹ e rrọ otọ etenẹ.
• Wha ekade ọ Advance Medical Directive/Release nọ a kere kẹle evaọ oke kpobi.
• Ruẹ nọ emọ ra a wha Identity Card nọ a kere kẹle na.
• Kiẹ uko-obeva ọ Odibọgba Uvie Mai ọrọ January 1997 riwi, re whọ wariẹ se epanọ a re ro lele edọkita gbe iguẹdhọ jiroro kpahe usiwo emọ ra.
• Kiẹ uzoẹme kpahe ekwakwa azẹ gbe oware nọ a rẹ rehọ viukpọ azẹ riwi. (Enọ a jiroro rai: Uwou-Eroro Na, erọ October 1, 1994, ẹwẹ-obe avọ 31; June 1, 1990, ẹwẹ-obe avọ 30-31; March 1, 1989, ẹwẹ-obe avọ 30-31 [erọ oyibo]; Awake!, December 8, 1994, ẹwẹ-obe avọ 23-27; August 8, 1993, ẹwẹ-obe avọ 22-25; November 22, 1991, ẹwẹ-obe avọ 10; gbe uko-obeva Odibọgba Uvie Mai, erọ September 1992 gbe August 1994 [erọ Oyibo]. Fi ae họ oria ovo re whọ sae duku ai ro ruiruo oke kpobi.)
• Jiroro n’eva ze sọ whọ sae kuvẹ re a rehọ emashini ro se azẹ ra no oma ra je zihe ie fihọ owhẹ oma hayo sọ whọ sae rọwo re a se ame nọ a fi ekwakwa azẹ họ fihọ owhẹ oma.
• Taure who te ti kpohọ obọ ẹsipito na, o tẹ lọhọ, vuẹ ekpako ukoko ra re a sae tha owhẹ uke re a nya bru Ogbẹgwae Uruẹme Kugbe Iwou-Imu (HLC) otẹrọnọ o gwọlọ ere. Otẹrọnọ ọmaha, ta kẹ ekpako ukoko na re a kake rọ ọjọriẹ se HLC na.
Ru Ẹsiọ Azẹ Ra na Vevẹ: Iyẹrẹ i dhesẹ nnọ inievo jọ a rẹ hẹrẹ bẹsenọ eware i re kuogidẹ no taure a tẹ te vuẹ edọkita nọ o bi siwi ai na nnọ a gwọlọ azẹ hẹ. U kiehọ họ re a ru ahwo usiwo na ere yọ u re fi owhẹ họ ọza ọ azẹ nọ a re se fihọ owhẹ oma. Otẹrọnọ edọkita na e riẹ oware nọ whọ rọwo yọ whọ tha ẹgwọlọ ra uke ẹkwoma obe nọ u dhesẹ ugogo ekpọvio jọ nọ a whobọ họ, u re fiobọhọ kẹ ae ruiruo na haro ababọ okioraha yọ ẹsibuobu o rẹ kẹ ae oghẹrẹ ofa nọ a sae rọ kẹ usiwo nọ o kare azẹ osefih’oma.
Nọ uyero usiwo imu idudhe o rẹ sae roma via oke kpobi na, ẹsibuobu evaọ oke nọ a rẹro riẹ hẹ na, j’owọ enẹna re whọ thọ oma ra gbe emọ ra no azẹ osefih’oma.—Itẹ 16:20; 22:3.