Omaa Ewuhrẹ Odibọgba

Oka nọ O rọ January 14 Muhọ

Ole avọ 3

13 min: Iwhowhovia obonẹ. Iwhowhovia nọ a salọ no Odibọgba Uvie Mai ze.

22 min: Wo Erere no Eruẹrẹfihọ Iwowou Ze. Ẹme nọ ọkpako nọ o te ziezi o re ru, ọ rẹ ta kpahe ẹruẹrẹfihọ nọ a ru re i fiobọhọ evaọ okenọ ma tẹ be jiroro kpahe usiwo imu, wọhọ ekade ọ Advance Medical Directive/Release na, Identity Cards rọkẹ emaha nọ e re họ-ame he erọ Isẹri nọ e họ-ame no, gbe “Enọ Ahwo nọ A s’Ebe,” evaọ Uwou-Eroro Na, ọrọ June 15, 2000, gbe October 15, 2000 (erọ Oyibo). U fo re ukoko na u wo unu ekade ọ Advance Medical Directive/Release gbe Identity Cards nọ i re te ziezi. A te rehọ ae kẹ iwhowho-uvie nọ e họ-ame no nọ ewuhrẹ owọwọ nana ọ tẹ fa no, rekọ a re kere eme fihọ ae owọwọ nana HA. Obọ-owhẹhọ, isẹri, gbe ẹdẹ nọ a ro kere ekade na kpobi a re ru ai nọ Uwuhrẹ Obe Ukoko n’otha na o tẹ fa no, avọ obufihọ owuhrẹ Uwuhrẹ Obe Ukoko na, o tẹ gwọlọ ere. Ahwo nọ a be whobọhọ ekade na wọhọ isẹri a rẹ ghinẹ ruẹ ọnọ o wo ekade na evaọ okenọ ọ be whobọhọ obe na. Ẹkwoma enwene eme ọ ekade enana rọwokugbe iyero obọrai gbe ẹrọwọ rai, iwhowho-uvie nọ e te họ-ame he a rẹ sai kere obe ọjọriẹ obọ rai nọ a re ro ruiruo k’oma rai gbe emọ rai. Fiẹgbahọ epanọ o rọ rrọ oware areghẹ re a kaki ru ọtamuo nọ o no iroro-oziẹbro nọ a rọ Ebaibol wuhrẹ ze kpahe usiwo imu taure ẹyao ọ tẹ roma via.—Itẹ 14:15; 27:12.

Ẹme nọ whọ rẹ kaki lele utu edọkita ta nọ o re dhesẹ vevẹ oghẹrẹ usiwo-imu gbe imu nọ whọ rẹ rehọ o r’oja. O gwọlọ uwuhrẹ omobọ ohwo nọ a rẹ romatotọ ru re a ruẹse sae jiroro nọ i kiehọ. Se idhe-eme nọ i fo no izoẹme Uwou-Eroro nọ a fodẹ evaọ obehru na ze. U re no ekpako na eva ze re a fiobọhọ rekọ a rẹ sai ku iroro oware nọ amọfa a re ru họ kẹ ae he. Dhesẹ idhere nọ a sai ro kere oreva ohwo fihọ obe.

10 min: “Ẹme nọ Whọ rẹ Ta Kpahe Emagazini Na.” Odhesẹvia ọ epanọ a re ro fi Awake! ọ January 22 na họ ada. Tuduhọ iwhowho-uvie kpobi awọ re a tha Ẹdẹ Emagazini na uke.

Ole avọ 55 gbe olẹ ekuhọ.

Oka nọ O rọ January 21 Muhọ

Ole avọ 104

10 min: Iwhowhovia obonẹ. Iyẹrẹ epanọ igho e nya. T’ẹme kpahe ẹkpẹti na ‘Ruẹrẹ Oware Jọ Kpahe.’

13 min: Kọ Whọ be Kiẹ Ikereakere na Riwi Kẹdẹ Kẹdẹ? Ẹmeọta-kugbe uviuwou. Re a ru irere ọ ẹmeọta-kugbe ikere okpẹdẹ rai bu viere, a be t’ẹme kpahe Uwou-Eroro ọ January 1, 1997, ẹwẹ-obe avọ 12, edhe-ẹme avọ 13-14. Ta kpẹkpẹe kpahe ikere ọ edẹ ivẹ hayo esa nọ a se vrẹ no kẹle na, je dhesẹ epanọ ovuẹ na o rọ ghinẹ kẹ erere. Fiẹgba họ nnọ u fo re ọruẹrẹfihotọ nana ọ jọ abọjọ omaa uwuhrẹ Ebaibol uviuwou orọ ikẹse kẹse re u ru ai jọ jajaja evaọ abọ-ẹzi.

22 min: “Rehọ Uvie na Karo.”* Ku umutho enọ jọ kugbe ei kpahe ugogo-eme nọ i no Uwou-Eroro ọ September 1, 1998 (ọrọ Oyibo), ẹwẹ-obe avọ 19-20 ze.

Ole avọ 168 gbe olẹ ekuhọ.

Oka nọ O rọ January 28 Muhọ

Ole avọ 196

10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ January rai. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ekpẹkpẹe ivẹ erọ emagazini nọ a re fihọ ada, ọjọ ẹkwoma Uwou-Eroro ọ February 1 ọdekọ kọ Awake! ọ February 8. Fodẹ ebe nọ a ti fihọ ada evaọ February, re who dhesẹ ebe nọ ukoko na u wo.

20 min: “Esẹ gbe Ini—Wha Wuhrẹ Emọ Rai no Emaha Ze.”a Ku eme kugbe ei no Uwou-Eroro ọ April 15, 1998 (ọrọ Oyibo), ẹwẹ-obe avọ 32 ze. Zizie esẹ gbe ini re a gbiku emamọ iyẹrẹ nọ a wo no ẹkwoma emuhọ uwuhrẹ abọ-ẹzi emọ rai no emaha ze.

15 min: Ẹgwọlọ ukoko na. Zizie iwhowho-uvie re a gbiku eware nọ a rọ ẹro ruẹ ẹkwoma omobe ọ Epanọ A ro Muhọ Jẹ Ruabọhọ Ebaibol E rọ Jiroro na nọ a ro ruiruo, ugogo ibroshọ jọ nọ a rọ kẹ iyo enọ ahwo, hayo omosasọ Ikereakere nọ a kẹ no ibroshọ Okenọ Ohwo nọ Who You O te Whu na ze. Whọ sai ru odhesẹvia ọ ẹwariẹ epanọ a ro ru ọvo hayo ivẹ jọ.

Ole avọ 202 gbe olẹ ekuhọ.

Oka nọ O rọ February 4 Muhọ

Ole avọ 212

8 min: Iwhowhovia obonẹ.

17 min: “Ẹvẹ A re ro Yo? Ru re ogbotu na a ta kpahe epanọ ikereakere na i ro kiehọ ẹme na. Ku enọ kugbe ei ro no edhe-ẹme avọ 17-18 ze evaọ ẹwẹ-obe avọ 18 evaọ Uwou-Eroro ọ September 1 1998.

20 min: “Iroro-Ejẹ Edhere Usiuwoma Ota.” Ẹmeọta ogbotu nọ ọsẹro iruo usiuwoma ota o re ru. Uko-obeva onana u wo idhere usiuwoma ota nọ e roma via evaọ ivitha ọ Odibọgba Uvie Mai nọ i kpemu no, kugbe ekpokpọ jọ. A sai kere iroro-ejẹ efa nọ e roma via evaọ obaro nọ i kiehọ ẹkwotọ obonẹ fihọ eria nọ a kere uvumọ oware fihọ họ na. Zizie ogbotu na re a fodẹ edhere usiuwoma ota nọ ọ mae were ae gbe oware nọ o jẹ mae were ae. Ru odhesẹvia ọvo hayo ivẹ nọ a sai ro ruiruo kugbe ebe nọ a ti fihọ ada evaọ February na. Tuduhọ iwhowho-uvie na kpobi awọ re a sẹro uko-obeva onana re a hai rri rie kẹse kẹse okenọ a tẹ be ruẹrẹ oma kpahe kẹ usiuwoma ota.

Ole avọ 224 gbe olẹ ekuhọ.

[Footnote]