Omaa Ewuhrẹ Odibọgba

Oka nọ O rọ March 11 Muhọ

Ole avọ 2

13 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ivẹ erọ epanọ a re ro fi Uwou-Eroro ọ April 1 (iroro-ejẹ ọsosuọ) na gbe Awake! ọ March 22 na họ ada. Evaọ ọvuọvo, dhesẹ edhere-sa nọ a re ro yeri kugbe ohwo nọ ọ rẹ whaha ẹmeọta inọ, “Me wo evawere he.”—Rri omobe ọ Ebaibol E rọ Jiroro na, ẹwẹ-obe avọ 16.

12 min: Ẹyọrọ Seomaba-Edhehọ Oleleikristi Mai. Ẹme nọ ọkpako nọ o te ziezi o re ru. Edhesẹ ọ uyoyou omarọkẹ orẹwho ohwo o rẹ romavia n’oke ruọ oke evaọ isukulu, evaọ oria iruo, gbe evaọ okegbe na. Evaọ ekwotọ jọ, ahwo nọ a rẹ wha onana haro na a re ru ere wọhọ edhere nọ a re ro yeri kugbe awa-ọruọ gbe uweri orọ eware idabolo nọ e via kẹ orẹwho rai. Dede nọ eware nọ ma be ruẹ evaọ akpọ na e be k’omai uye, ma wo otoriẹ avro nọ ọ mae rro ọrọ esuo ehrugbakpọ na yọ ovuẹ Uvie na o be k’omai omosasọ. Okenọ ma tẹ be rehọ areghẹ dhesẹ oware nọ o soriẹ nọ ma gbe kuomagbe iruẹru omarọkẹ orẹwho ohwo ho, ma rẹ jẹ ghale omosasọ gbe ẹruore nọ ma duku no evaọ Ẹme Ọghẹnẹ kugbe ae. Ibroshọ na Jehovah’s Witnesses and Education, ẹwẹ-obe avọ 20-24, evaọ otọ uzoẹme osese na “The Flag Salute” (Eyere Obiala Na), u dhesẹ oware nọ ma gbe ro w’obọ evaọ iruẹru edhesẹ uyoyou omarọkẹ orẹwho ohwo ho vevẹ. Ta kpahe igogo eme na, re whọ tuduhọ eyewọ awọ re a romatotọ kiẹ ovuẹ nana riwi kugbe emọ rai. Gbiku eware nọ e via evaọ ẹwẹ-obe avọ 20 evaọ ibroshọ na gbe evaọ ẹwẹ-obe avọ 31 evaọ Awake! ọ January 8, 1996 na. Fiẹgbahọ ẹgwọlọ nọ a rẹ rọ rehọ egagọ udu kpobi kẹ Jihova, evaọ oke ovona yọ a be rọ adhẹẹ kẹ ogaga-isuẹsu.

20 min: “Fe Eva Iruo Iwoma.”a Ọsẹro usiuwoma ota o re ru ei. Tuduhọ ahwo kpobi awọ re a ru iruo vọvọ evaọ odibọgba na evaọ oma-oruẹrẹhọ kẹ ehaa Ekareghẹhọ na evaọ March 28. Ta kpahe epanọ a sae rọ rehọ obe-uzizie na ro ruiruo ziezi. Zizie iwhowho-uvie re a ta epanọ a sai ro zizie imoni rai, erivẹ, emọ-ewuhrẹ Ebaibol, gbe amọfa nọ a wo isiuru ziọ Ekareghẹhọ na evaọ ukpe n’ukpo gbe oghọghọ nọ o wha ze. Tuduhọ ahwo kpobi nọ a sai ru ọkobaro evaọ April awọ re a ru ei re a jẹ rehọ obe iruo ọkobaro na evaọ okenọ ewuhrẹ ọ tẹ fa no.

Ole avọ 82 gbe olẹ ekuhọ.

Oka nọ O rọ March 18 Muhọ

Ole avọ 7

10 min: Iwhowhovia obonẹ. Iyẹrẹ epanọ igho e nya. Ta kpahe “Ọjọriẹ Ekareghẹhọ.” Tuduhọ ahwo kpobi awọ re a lele isase Ebaibol Ekareghẹhọ nọ a m’omaa riẹ kẹ March 23-28 na, wọhọ epanọ a dhesẹ evaọ Ẹkiẹriwo Ikereakere na Kẹdẹ Kẹdẹ—2002.

15 min: “Rọ Oghọghọ Kuomagbe Jihova gbe Ọmọ Riẹ.” Ẹme ọwhọ nọ ọkpako ọ rẹ ta no Ikereakere ze. Tuduhọ ahwo na awọ re a daoma viere no umuo enẹna vrẹ rite March 28 re a zizie ahwo buobu re a lele omai kpohọ Ekareghẹhọ na.

20 min: “Thihakọ Evaọ Iruo Ọkobaro Na.” Ọkpako o re ru ei, o rẹ mai woma re ọ jọ ọkobaro. Okenọ whọ tẹ be ta kpahe edhe-ẹme avọ 3-5, kiẹ ọkobaro jọ riwi ọnọ o thihakọ gaga no re ọ gbẹ jọ ọkobaro, re who fielo họ oghẹrẹ nọ akothiho ọ rọ kẹe erere no.

Ole avọ 45 gbe olẹ ekuhọ.

Oka nọ O rọ March 25 Muhọ

Ole avọ 12

14 min: Iwhowhovia obonẹ. Dhesẹ vevẹ nnọ u ri lehie hrọ re a fi obe họ kẹ iruo ọkobaro obufihọ evaọ April he. Ẹkwoma iroro-ejẹ nọ a dhesẹ fihọ ẹwẹ-obe avọ 8 na, ru re ọkpako ukoko jọ o dhesẹ epanọ a re ro fi Uwou-Eroro ọ April 1 (iroro-ejẹ avivẹ) na họ ada, uzoge jọ o ve dhesẹ epanọ a re ro fi Awake! ọ April 8 na họ ada. Nọ a te ru odhesẹvia ọvuọvo no, fielo họ abọ owoma jọ ọrọ odhesẹvia na.

15 min: Ẹgwọlọ ukoko na.

16 min: Rehọ obe ọ Reasoning na kẹ Uduotahawọ. Ẹmeọta ogbotu. Ohwo kpobi ọ gwọlọ uduotahawọ uyoyou n’oke ruọ oke. Fikiere, u fo re mai kpobi ma wo isiuru re ma ‘ta udu họ’ amọfa awọ, te enọ udu u re bro nọ ma nya ku evaọ odibọgba na. (1 Tẹs. 5:14) Ẹkwoma obe ọ Reasoning na nọ a re ro ruiruo, zizie ogbotu na re a fodẹ uduotahawọ Ikereakere jọ evaọ usu enọ a dhesẹ evaọ ẹwẹ-obe avọ 117-121 na nọ a rẹ sae ghale kugbe ohwo nọ ọ be ruẹ uye ẹbẹbẹ jọ. Jiroro nnọ ohwo kpobi ọ daoma tuduhọ omọfa awọ evaọ oke kpobi nọ ẹgwọlọ na ọ tẹ roma via.—Gal. 6:10.

Ole avọ 131 gbe olẹ ekuhọ.

Oka nọ O rọ April 1 Muhọ

Ole avọ 27

7 min:  Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ March.

18 min: “’Ekẹ Ahwo’ nọ E be Sẹro Uthuru Ọghẹnẹ avọ Osegboja.” Ẹme nọ ọkpako o re ru. Ta kpahe ikereakere nọ a fodẹ na. Dhesẹ oghẹrẹ nọ ewoma o re ro no eweze bru ahwo nọ a siọ iruo uvie ba no gbe obufihọ kẹ enọ oma rai o ga ha re a ru utho ẹgba rai ze. Ithuru-igodẹ iyoyou i re dhesẹ ovuhumuo kẹ omodawọ rai nọ u n’udu ze re a ruabọhọ iruo Jihova.

20 min: “Ru Oghọghọ Ra Rro Evaọ Usiuwoma Ota.” Okenọ whọ tẹ be ta kpahe edhe-ẹme avọ 5, yare iroro-ejẹ nọ i re w’iruo ziezi kpahe epanọ a rẹ mae rọ kparobọ evaọ ẹkwotọ ukoko rai. Ru odhesẹvia ọvo hayo ivẹ kpahe epanọ ma sai ro mu ẹme họ kugbe ohwo re ma se isẹri kẹe kpẹkpẹe. Tuduhọ ahwo kpobi awọ re a ru uvẹ nọ a re ro se isẹri evaọ oka nana.

Ole avọ 15 gbe olẹ ekuhọ.

[Footnote]