Omaa Ewuhrẹ Odibọgba

Oka nọ O rọ August 12 Muhọ

Ole avọ 76

13 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ivẹ erọ epanọ a re ro fi Awake! ọ August 22 gbe Uwou-Eroro ọ September 1 (iroro-ejẹ ọsosuọ) na họ ada. Evaọ ivẹ na, dhesẹ edhere nọ a rẹ rọ kpahe fihọ unoma na “Fikieme wha je bi dhe ẹnyẹnyaze?”—Rri omobe na Ebaibol E rọ Jiroro, ẹwẹ-obe avọ 12.

20 min: “Fi Itee Abọ-Ẹzi Họ.”* Okenọ whọ tẹ be ta kpahe edhe-ẹme avọ 5, ku eme nọ e rẹ kẹ ajọwha kpahe iruo ọkobaro oke-kpobi, iruo evaọ oria nọ ẹgwọlọ na ọ jẹ mae rro, gbe iruo Ebẹtẹle kugbe ei no obe ọ Our Ministry, ẹwẹ-obe avọ 112-116 na ze.

12 min: “Ahwo nọ A be Mae Wereva Evaọ Akpọ Na.”a Ku “Owojẹ Kpohọ Evawere” kugbe ei kpẹkpẹe, ro no Uwou-Eroro ọ October 15, 1997 (ọrọ Oyibo) ze, ẹwẹ-obe avọ 6.

Ole avọ 57 gbe olẹ ekuhọ.

Oka nọ O rọ August 19 Muhọ

Ole avọ 182

8 min: Iwhowhovia obonẹ. Iyẹrẹ epanọ igho e nya.

15 min: Eme Ọ Be Whaha Ae? Ẹmeọta ogbotu gbe odhesẹvia. Evaọ odibọgba mai ẹsibuobu ma rẹ nya ku ahwo nọ a rẹ kake rọwo t’ẹme kpahe orọwọ rai hi. Onana o rẹ wha ọzadhe ze nọ ọ rẹ sae whaha omai ẹghale ovuẹ Uvie na. Ma te vuhu oware nọ o be whaha ohwo na mu, u re fi obọ họ k’omai ruẹrẹ edhere ẹmeọta nọ o re ru ohwo na ta iroro riẹ via. Ta kpahe epanọ ma re ro nwene edhere ẹmeọta mai evaọ okenọ ma tẹ nya ku eghẹrẹ ahwo nana: (1) Ahwo nọ a wo ababọ-osegboja kẹ egagọ, makọ erọ obọrai. (2) Ahwo nọ a rehọ iroro rai kpobi kpahe iruemu egagọ uviuwou gbe esẹ anwae rai. (3) Ahwo nọ a rẹ gwọlọ ta kpahe orọwọ rai hi fikinọ Ikereakere nọ a riẹ nọ a rẹ rọ tha ae uke i tulo ho. (4) Ahwo nọ a wo egrẹ kpahe omai fiki eme osuthọ nọ otu ọwọsuọ a ta. Nwene eme na re i kiehọ ẹgwọlọ ẹkwotọ rai, t’ovao vi iruemu nọ a rẹ mae nya ku. Ru odhesẹvia ọkpẹkpẹe jọ kugbe i nọ o re dhesẹ epanọ a rẹ rọ kpọ isiuru ohwo rri ẹmeọta nọ o no Ikereakere ze.

22 min: “Ma Wo Okwakwa Okpokpọ Nọ A re ro Mu Ebe Iwuhrẹ Họ!” Ẹmeọta ogbotu nọ ọsẹro iruo usiuwoma o re ru. Ru re eruẹrẹahwohọ e ghale omobe-ovẹvẹ okpokpọ na Kọ Whọ Gwọlọ Riẹ Kpahe Ebaibol na Viere? kẹ ohwo kpobi, otẹrọnọ o riẹ. Ta udu họ ahwo kpobi awọ re a rehọ omobe-ovẹvẹ okpokpọ na kẹ ohwo kpobi nọ a nyaku evaọ odibọgba na.

Ole avọ 191 gbe olẹ ekuhọ.

Oka nọ O rọ August 26 Muhọ

Ole avọ 189

12 min: Iwhowhovia obonẹ. Ẹkwoma iroro-ejẹ nọ e rrọ ẹwẹ-obe avọ 8 na, ru re ọkobaro oke-kpobi hayo ọrọ obufihọ o ru odhesẹvia epanọ a re ro fi Uwou-Eroro ọ September 1 (iroro-ejẹ ọsosuọ) na họ ada who ve je ru re owhowho-uvie o dhesẹ epanọ a re ro fi Awake! ọ September 8 na họ ada. Ta udu họ iwhowho-uvie kpobi awọ re a ku ikereakere jọ kugbe ẹmeọta rai.

18 min: “Jọ Ọnọ Ọ Rẹ t’Ẹme Kugbe Amọfa!” Evaọ ekuhọ, ta udu họ iwhowho-uvie na awọ re a kiẹ uzou na “Epanọ A re ro Ru Ona Ẹmeọta-Kugbe Woma Viere” evaọ obe ọ Wo Erere no Ewuhrẹ ọ Isukulu Odibọgba Esuo-Ọghẹnẹ Ze, ẹwẹ-obe avọ 62-65.

15 min: Ẹgwọlọ ukoko na. Hayo zizie ukoko na re a gbiku eware nọ a rọ ẹro ruẹ evaọ isẹri-ise ọnyakuo, ẹsejọhọ ẹkwoma ẹghale emamọ usi na kugbe ahwo evaọ oria nọ imoto e rẹ kpahe, imoto-ofa, ogege aroza, iwou-eki, eria nọ imoto e rẹ jọ wọ ahwo, gbe eria ẹgbede efa. Ru odhesẹvia ọvo hayo ivẹ orọ epanọ o via dẹẹ.

Ole avọ 99 gbe olẹ ekuhọ.

Oka nọ O rọ September 2 Muhọ

Ole avọ 84

10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ August rai. Ta kpẹkpẹe kpahe uzoẹme na “Se Obe Kugbe Emọ Ra” evaọ Uwou-Eroro ọ May 1, 1999 (ọrọ Oyibo), ẹwẹ-obe avọ 25.

20 min: Ruẹrẹ Oma Kpahe Taure Whọ Tẹ Te Nya. Ẹmeọta gbe odhesẹvia. Emamọ omaa u re fi obọ họ ru odibọgba mai wo ẹgba. Fikiere, taure oke u te te: (1) Rehọ ebe nọ whọ te gwọlọ ro ruiruo. (2) Ruẹ nnọ who wo house-to-house records nọ i re te ziezi gbe ugbẹ ame hayo opẹsoro. (3) O tẹ gwọlọ nọ whọ rẹ jẹ ofa, ru ọruẹrẹfihotọ nọ o fo kẹ ofa na. (4) Roro kpahe izihebro nọ whọ m’omaa nnọ who ti ru. (5) Ruẹrẹ ẹme nọ whọ te ta họ. Otẹrọnọ who ti ru ewuhrẹ ọ omakugbe kẹ usiuwoma ota na, mi ẹkwotọ nọ o re te ru ziezi. Lele ogbotu na t’ẹme kpahe idhere ivẹ hayo esa nọ a sai ro fi ibroshọ ewẹ-obe 32 na jọ họ ada evaọ odibọgba na evaọ etoke ọ September. Ru odhesẹvia ọvojọ evaọ usu iroro-ejẹ nọ a kẹ na, re who ku ikereakere jọ kugbe ẹmeọta na.—Rri iroro-ejẹ nọ e rrọ Odibọgba Uvie Mai ọrọ August 1996, ẹwẹ-obe avọ 8, gbe July 1995 (ọrọ Oyibo), ẹwẹ-obe avọ 8.

15 min: Eware nọ a rọ ẹro ruẹ evaọ obonẹ. Zizie ukoko na re a gbiku eware nọ a rọ ẹro ruẹ nọ a rehọ omobe-ovẹvẹ na “Kọ Whọ Gwọlọ Riẹ Kpahe Ebaibol na Viere? ro ruiruo? Kọ a muọ ebe iwuhrẹ Ebaibol jọ họ no? O tẹ rrọ ere, dhesẹ epanọ a ro ru ei hayo ru odhesẹvia ọvo hayo ivẹ erọ epanọ o via dẹẹ. Kiẹ ẹkpẹti na “Uvẹ nọ A rẹ rọ Ghale Omobe-Ovẹvẹ Na” evaọ ẹwẹ-obe avọ 4.

Ole avọ 123 gbe olẹ ekuhọ.

[Footnote]