Omaa Ewuhrẹ Odibọgba

Oka nọ O rọ January 12 Muhọ

Ole avọ 224

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a nẹ iyẹrẹ usiuwoma ota ubro amara ọ January. Ẹkwoma iroro-ejẹ nọ e rrọ ẹwẹ-obe avọ 4 na, ru odhesẹvia ọrọ epanọ a re ro fi Awake! ọ January 22 na họ ada. Evaọ odhesẹvia na, rehọ emagazini ivẹ kẹ ohwo na dede nọ ọvo whọ tẹme kpahe. Nọ a te ru odhesẹvia na no, fi elo họ abọ owoma jọ evaọ odhesẹvia na.

15 min: “Obọdẹ Aghare ọrọ Areghẹ Ọghẹnẹ.”a Oke o tẹ riẹ, zizie ogbotu na re a kpahe fihọ ikereakere nọ a fodẹ na.

20 min: “Fiẹro h’Otọ Ziezi kẹ Oghẹrẹ nọ Whọ be rọ Oke Ra Ruiruo.” Zizie ogbotu na re a ta oware nọ a bi ru re eware nọ i wuzou hu e siọ oke ilale eware abọ-ẹzi ba ẹrehọ.

Ole avọ 106 gbe olẹ ekuhọ.

Oka nọ O rọ January 19 Muhọ

Ole avọ 95

15 min: Iwhowhovia obonẹ. Ta kpahe “Omaa Okpokpọ orọ Ẹdẹ Okokohọ Obọdẹ.” Whowho ideti ọ ẹdẹ okokohọ obọdẹ n’ọtha na, jẹ tuduhọ ahwo kpobi awọ re a jariẹ. Otẹrọnọ a ti ru okokohọ na evaọ umutho emerae jọ kẹle, fodẹ nọ enọ e gwọlọ họ-ame a rẹ vuẹ ọsẹro ukoko na.

15 min: Ẹgwọlọ ukoko na.

15 min: “Ẹvẹ Ma Sai ro Fi Obọ họ kẹ Erivẹ-Orọo nọ E Rrọ Ukoko Ho?” Kiẹ omọvo hayo imava riwi, enọ i zihe ruọ idibo Jihova fiki emamọ oriruo nọ erivẹ-orọo rai nọ e kake rehọ ae jẹ uzẹme na rehọ a fihọ.

Ole avọ 73 gbe olẹ ekuhọ.

Oka nọ O rọ January 26 Muhọ

Ole avọ 158

12 min: Iwhowhovia obonẹ. Iyẹrẹ epanọ igho e nya. Kareghẹhọ iwhowho-uvie re a nẹ iyẹrẹ usiuwoma ota ọ January. Ẹkwoma iroro-ejẹ nọ e rrọ ẹwẹ-obe avọ 4 na, ru idhesẹvia ivẹ erọ epanọ a re ro fi Uwou-Eroro ọ February 1 gbe Awake! ọ February 8 na họ ada. Evaọ idhesẹvia ivẹ na, rehọ emagazini ivẹ kẹ ohwo na dede nọ ọvo whọ t’ẹme kpahe. Evaọ odhesẹvia na jọ, dhesẹ epanọ whọ sai ro fi emagazini họ ada kẹ ohwo nọ wha gbẹ rrọ udogbe.

15 min: Rọ Aro Kele Pọl Wọhọ Epanọ Ọ Rehọ Aro Kele Kristi. (1 Kọr. 11:1) Ẹmeọta ogbotu. Wọhọ Jesu, Pọl ọ rehọ uvẹ kpobi se isẹri kẹ “enọ avọ iẹ a zere oma.” (Iruẹru 17:17) Didi uvẹ e riẹ nọ ma sai ro ru onana evaọ ẹkwotọ mai? Amono ma ti “zere” nọ ma tẹ nyae dẹ eware, nọ ma tẹ rrọ oria iruo hayo obọ isukulu, hayo oke nọ ma tẹ ro omoto-ofa bi kpohọ erẹ? Amono ma sai lele t’ẹme nọ ma tẹ rrọ obọ uwou? Zizie ogbotu na re a gbiku eware nọ a rọ ẹro ruẹ no evaọ usiuwoma nọ a ta kẹ ahwo nọ a ruẹ evaọ etoke iruẹru ikẹdẹ kẹdẹ.

18 min: Usu nọ A Re Mu Kugbe Ibe Enọ E Rọwo. (Itẹ 18:24; 27:9) Ẹme gbe iroro-ejẹ ogbotu nọ a re ru no Uwou-Eroro ọ December 1, 2000 ze (ọrọ oyibo), ẹwẹ-obe avọ 22-23. Erere jọ ọrọ egagọ uzẹme họ uvẹ nọ a re ro mu uvi egbẹnyusu. Omakugbe mai evaọ iwuhrẹ, usiuwoma ota, gbe oke ofa o be k’omai uduotahawọ ziezi. Ẹvẹ ma sai ro mu usu kugbe amọfa evaọ ukoko na? Kiẹ ẹkpẹti na “Six Steps to a Lasting Friendship” (Eware Ezeza nọ E rẹ Lẹliẹ Usu Tọ), je zizie ogbotu na re a kpahe fihọ epanọ ma sai ro fi eware nana ọvuọvo họ iruo evaọ oghẹrẹ nọ ma re yeri kugbe inievo mai.

Ole avọ 177 gbe olẹ ekuhọ.

Oka nọ O rọ February 2 Muhọ

Ole avọ 204

10 min: Iwhowhovia obonẹ. Fodẹ ebe nọ a ti fihọ ada evaọ February. Kiẹ “Iroro-Ejẹ kẹ Efihọ-Ada ọrọ Obe ọ Si Kẹle Jihova.”

20 min: Ebe Ekpokpọ nọ I Te Omai Obọ avọ Oghọghọ! Ẹmeọta ogbotu. Eva e were omai nọ ma ro wo ebe ekpokpọ ivẹ evaọ Okokohọ Ubrotọ “Rehọ Oruaro kẹ Ọghẹnẹ” na. Ibroshọ “Ruẹ Otọ Uwoma Na” u wo ohẹriẹ no ebe efa mai kpobi. Oke kpobi nọ who rovie ẹwẹ-obe, whọ rẹ jọ tofẹ tofẹ ruẹ oware okpokpọ jọ kpahe Ẹkwotọ Eyaa na. Dhesẹ ugogo eware jọ nọ a rẹ ruẹ evaọ udhesẹ-oria sa-sa. Dhesẹ uvi idhere jọ nọ a sae rọ rehọ obe nana ruiruo. “Wuhrẹ Mi Owuhrẹ Ologbo Na” u ti ru ẹnyaharo abọ-ẹzi emọ mai rro haro. Fodẹ izoeme ẹruoke jọ nọ a jọ obe na t’ẹme kpahe, je dhesẹ epanọ esẹgbini gbe emaha na a sai ro wo erere no ai ze. Zizie ogbotu na re a ta kpahe epanọ a be rọ rehọ ebe ekpokpọ nana ruiruo ziezi.

15 min: Fi Ẹme Ọghẹnẹ họ Iruo Kẹdẹ Kẹdẹ Evaọ Uzuazọ Ra. Ẹme gbe iroro-ejẹ ogbotu. Ta udu họ ahwo kpobi awọ re a rehọ Ẹkiẹriwo Ikereakere na Kẹdẹ Kẹdẹ—2004 ruiruo ziezi. Rehọ eme jọ no oria ẹme nọ ọ karo ọrọ obe na ze, ẹwẹ-obe avọ 3-4. Nọ ogbotu na kpahe oke nọ omomọvo o roro nọ o mai kiehọ kẹe nọ o re ro se ikere okpẹdẹ na. Se ikere na gbe ọkpahefihọ ọrọ okpẹdẹ yena kugbe ukoko na. Zizie ogbotu na re a kpahe fihọ epanọ ma sai ro fi ovuẹ nọ ma se na họ iruo. Ta udu họ ahwo kpobi awọ re a hai roro kpahe epanọ a re ro fi eme na họ iruo nọ a bi se ikere okpẹdẹ na kẹdẹ kẹdẹ na.

Ole avọ 150 gbe olẹ ekuhọ.

[Footnote]