Omaa Ewuhrẹ Odibọgba

Oka nọ O rọ October 11 Muhọ

Ole avọ 53

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a nẹ iyẹrẹ usiuwoma ota ubro amara ọ October. Rehọ iroro-ejẹ nọ e rrọ ẹwẹ-obe avọ 8 na (otẹrọnọ i kiehọ evaọ ẹkwotọ rai) ro ru odhesẹvia epanọ a re ro fi Awake! ọ October 22 na họ ada. Ta udu họ iwhowho-uvie awọ re a se ikere jọ evaọ odhesẹvia rai. A sae rehọ idhesẹvia efa nọ i kiehọ ro ru iruo.

20 min: Ẹvẹ Ma Ru Te Evaọ Ukpe n’Ukpo?a Ẹme nọ ọkpako ukoko o re ru no iyẹrẹ iruo ukoko na ọrọ ukpe iruo ọ 2004 ze. Tẹrovi abọ owoma iyẹrẹ na, je jiri ukoko na kẹ iruo iwoma nọ a ru. Fielo họ iruo obọdẹ nọ ekobaro na i ru. Fodẹ abọ ọvo hayo ivẹ nọ ukoko na u ti muẹrohọ evaọ ukpe notha na.

15 min: Wereva Evaọ Obọ nọ Who re Fihọ kẹ Amọfa. (Jọn 4:34) Ekiẹriwo. O rrọ oware evawere re a ruẹ ohwo nọ ọ be sasa ovao kẹ uzẹme nọ o bi wuhrẹ no Ẹme Ọghẹnẹ ze. (w94-E 3/1 ẹwẹ. 29 edhe. 6-7) Kiẹ iwhowho-uvie hayo ekobaro ivẹ hayo esa riwi nọ e be rọ Ebaibol na ruiruo ziezi evaọ odibọgba na gbe evaọ emuhọ gbe eru ebe-uwuhrẹ Ebaibol. Ẹvẹ a rẹ rọ bọ isiuru nọ a ruẹ ga? Oghọghọ vẹ a be ruẹ rono ere oruo ze? Ta kẹ ae re a gbiku hayo wariẹ ru odhesẹvia eware nọ a rọ ẹro ruẹ no odibọgba rai ze.

Ole avọ 69 gbe olẹ ekuhọ.

Oka nọ O rọ October 18 Muhọ

Ole avọ 127

5 min: Iwhowhovia obonẹ.

18 min: Ahwo nọ A Ruẹ Iruo Iwoma Mai. (1 Pita 2:12) Ẹme gbe iroro-ejẹ ogbotu nọ a re ru no Uwou-Eroro ọ November 1, 2002 ze, ẹwẹ-obe avọ 22-24, edhe-ẹme avọ 14-20. Zizie ogbotu na re a ta kpahe epanọ iruo iwoma mai nọ ahwo okegbe rai a muẹrohọ no u ro kpomahọ ai no.

22 min: “Jiri Ọnọma Ra Ẹkwoma Itee Abọ-Ẹzi nọ Who re Fihọ.”

Rehọ enọ nọ a kẹ na ro ru ẹme na.

Ole avọ 165 gbe olẹ ekuhọ.

Oka nọ O rọ October 25 Muhọ

Ole avọ 56

12 min: Iwhowhovia obonẹ. Iyẹrẹ epanọ igho e nya. Kareghẹhọ iwhowho-uvie re a nẹ iyẹrẹ usiuwoma ota ọ October. Rehọ iroro-ejẹ nọ e rrọ ẹwẹ-obe avọ 8 na (otẹrọnọ i kiehọ evaọ ẹkwotọ rai), ro ru idhesẹvia ivẹ erọ epanọ a re ro fi Uwou-Eroro ọ November 1 gbe Awake! ọ November 8 na họ ada. Evaọ idhesẹvia na ọvuọvo, dhesẹ edhere sa nọ a rẹ rọ kpahe fihọ unoma na “Me wo evawere kpahe Isẹri Jihova ha.”—Rri omobe na Ebaibol E rọ Jiroro, ẹwẹ-obe avọ 9-10.

15 min: Ẹgwọlọ ukoko na.

18 min: Rehọ Eware Imuẹro Efa rọ Tha Ẹme Ọghẹnẹ Uke. Ẹmeọta ogbotu nọ a re ru no obe ọ Isukulu Odibọgba na ze, ẹwẹ-obe avọ 256-257. Ẹvẹ ma sae rọ rehọ eware imuẹro no eria efa ze u te no Ebaibol na no, ro fi obọ họ kẹ ahwo wo ovuhumuo kẹ iroro-egbagba nọ ikereakere na i wo? Zizie ogbotu na re a kpahe fihọ enọ obotọ na: Iriruo vẹ ma rẹ sai dhesẹ no ehrugbakpọ na ze nọ e kẹ imuẹro inọ Ọnọma ọ rrọ? (Obe ọ Si Kẹle Jihova Uzou avọ 5) Ẹvẹ ma sae rọ rehọ eme ewena-isukulu ro fi obọ họ kẹ amọfa re a ruẹ nọ Ebaibol na ghinọ Ẹme Ọghẹnẹ? (ibroshọ Eme Họ Ẹjiroro Uzuazọ, ẹwẹ. 10-16) Ọtadhesẹ hayo ẹwawọ vẹ ma sai ro fi obọ họ kẹ amọfa re a ruẹ oware nọ Ọghẹnẹ ọ rọ kẹ emuemu uvẹ? (obe ọ Eriariẹ, ẹwẹ. 75-76) Didi eware nọ whọ rọ ẹro ruẹ hayo iriruo vẹ who ro fi obọ họ kẹ amọfa no wo ovuhumuo kẹ areghẹ nọ ọ rrọ ithubro Ebaibol nọ a re lele?

Ole avọ 62 gbe olẹ ekuhọ.

Oka nọ O rọ November 1 Muhọ

Ole avọ 15

10 min: Iwhowhovia obonẹ. Evaọ November ma ti fi obe ọ Wuhrẹ Mi Owuhrẹ Ologbo Na họ ada. Rehọ omoke jọ rọ kiẹ iroro-ejẹ nọ a re ro fi obe na họ ada na riwi evaọ Odibọgba Uvie Mai ọrọ May 2004, ẹwẹ-obe avọ 7, jẹ rehọ iroro-ejẹ na jọ ru odhesẹvia. Otẹrọnọ edhere ọfa jọ ọ te mai wiruo evaọ ẹkwotọ rai, whọ sae ta kpahe iẹe jẹ rehọ iẹe ru odhesẹvia. Oke o tẹ riẹ, zizie ogbotu na re a ta epanọ a sae rọ rehọ obe nana ruiruo no evaọ odibọgba na.

15 min: “Iruo nọ Ọghẹnẹ Ọ be Tha Uke.” Ku eme kugbei rono obe ọ Proclaimers na ze, ẹwẹ-obe avọ 547-548.

20 min: “Si Kẹle Ahwo Nọ Who You Ziezi.” Oke o tẹ riẹ, zizie ogbotu na re a kpahe fihọ ikereakere nọ a fodẹ na.

Ole avọ 115 gbe olẹ ekuhọ.

[Footnote]