Ẹme nọ Whọ rẹ Ta Kpahe Emagazini Na

January-March

“Ahwo jọ a roro nọ izi Ọghẹnẹ e ga hrọ. Ẹvẹ who roro? [Kuvẹ kẹ uyo. Kẹsena who ve se Iziewariẹ 30:11, 16. ] Uzoẹme nana nọ o rrọ ẹwẹ-obe avọ 21 na u ti fi obọ họ k’owhẹ riẹ inọ izi Ọghẹnẹ e rẹ k’omai erere, yọ ma rẹ sai koko ai.”

February

“Ahwo jọ a rọwo nọ Ọmemama ọ rrọ, rekọ efa a ta nọ orọwọ nana o kare iroro yọ o rọwo kugbe otọkiẹ-eriariẹ hẹ. Ẹvẹ who roro? [Kuvẹ kẹ uyo.] Ebaibol na i dhesẹ inọ eware nọ i mu ohwo ẹro e rẹ lẹliẹ i wo uvi ẹrọwọ. [Se Ahwo Hibru 11:1.] Uzoẹme nana nọ u muhọ evaọ ẹwẹ-obe avọ 22 na u dhesẹ eware jọ nọ e kẹ imuẹro inọ Ọmemama ọ rrọ.”

January-March

“Ahwo jọ a wo evawere evaọ erọo rai hi. Eme who roro nọ o be wha onana ze? [Kuvẹ kẹ uyo.] O wọhọ nọ ahwo buobu a rri orọo wọhọ ọruẹrẹfihotọ nọ u no obọ Ọghẹnẹ ze he. [Se Matiu 19:4-6.] Uzoẹme nana nọ u muhọ evaọ ẹwẹ-obe avọ 26 na o ta kpahe oware nọ o sai fi obọ họ kẹ iviuwou wo evawere.”

March

“Wọhọ epanọ o rọ kẹ ahwo buobu, ẹsejọhọ eware iwowoma nọ e rrọ akpọ na e be hae were owhẹ oma. Kọ who vuhumu inọ eware nana i dhesẹ nọ ọmemama nọ o wo areghẹ ọye ọ ma rai? [Kuvẹ kẹ uyo. Who ve se Olezi 104:24.] A jọ emagazini nana dhesẹ iriruo emama igbunu jọ gbe eware nọ a rẹ sai wuhrẹ no ai ze.”