Izoge—Eme Wha Te Rọ Uzuazọ Rai Ru? (Abọ 1)

Nọ izoge a be rro na a rẹ jiroro nọ i re kpomahọ obaro akpọ rai. Ebaibol na yọ omaa-edhere nọ u re fi obọ họ kẹ ae riẹ epanọ a rẹ nya. (Itẹ 3:5, 6) A te wuhrẹ obroziẹ-iroro rai ziezi, o re fi obọ họ kẹ ae daji emamọ edhere. (Rom 2:15) O rẹ sae kpọ ae họ edhere. Joma wariẹ wuhrẹ uzoẹme na “Izoge—Eme Wha Te Rọ Uzuazọ Rai Ru?” onọ o rrọ Uwou-Eroro ọ November 15, 2010 na, keme u ti fi obọ họ kẹ izoge jẹ emamọ iroro. Daoma kpahe fihọ enọ edhe-ẹme 1 rite 11 na.

Iviena jọ obọ uwou se idhe-ẹme nọ i kiọkọ na, re wha sae kpahe fihọ iyo enọ na evaọ Ewuhrẹ Odibọgba mai notha. Who ve je se omobe-ovẹvẹ mai na Izoge—Eme Wha te Rọ Izuazọ Rai Ru?, je rri ividio na Young People Ask—What Will I Do With My Life? Izoge a ti wuhrẹ eware buobu no omobe-ovẹvẹ na gbe ividio na ze.