Izoge—Eme Wha Te Rọ Uzuazọ Rai Ru? (Abọ Avọ 2)

Ọtausiuwoma Na 12:1 ọ tuduhọ emoha awọ nọ: “Kareghẹhọ ọnọ ọ ma owhẹ evaọ oke ọmoha ra.” Ẹhẹ, edhere nọ ọ rẹ mae kẹ erere nọ whọ rẹ rọ rehọ uzuazọ ra ruiruo họ evaọ iruo Jihova Ọghẹnẹ. Rekọ who re te taure whọ tẹ sae ru iruo Ọghẹnẹ. Ẹvẹ whọ sai ro te? Kọ eme uzuazọ evaọ iruo Ọghẹnẹ o gwọlọ? Ma te ruẹ iyo enọ nana evaọ idhe-ẹme nọ ma wuhrẹ kiọkọ evaọ uzoẹme orọ Uwou-Eroro nọ ma jọ Ewuhrẹ Odibọgba oka n’ukpo wuhrẹ.

Ẹsejọ ẹyao, ẹbẹbẹ ugho, gbe ewha-iruo uviuwou e sai bru eware jọ nọ ma gwọlọ ru dhe. Ghele na, Ileleikristi nọ e roma mudhe no kpobi a re yoẹme kẹ ujaje Ebaibol na: “Whọ rẹ rehọ eva ra kpobi, gbe ẹzi ra kpobi, gbe iroro ra kpobi, you Ọnowo na Ọghẹnẹ ra.” (Mat. 22:37) Jihova ọ gwọlọ nọ whọ dawo uthoma ra. Fikiere epanọ uyero ra o rrọ kpobi, fi ẹgọ Jihova họ oware ọsosuọ eva uzuazọ ra. Fi itee nọ whọ rẹ sai le t’obọ họ evaọ egagọ Ọghẹnẹ. Ẹhẹ, “kareghẹhọ ọnọ ọ ma owhẹ evaọ oke ọmoha ra.” Who te ru ere, who ti wo eghale ebẹdẹ bẹdẹ!