Eme Whọ Te Rehọ Uzuazọ Ra Ru?
1 Ẹsejọ a rẹ nọ emaha na nọ, “Eme whọ te gwọlọ nọ whọ rẹ jọ evaọ akpọ ra?” Ẹvẹ who roro nọ whọ hae kuyo onọ yena nọ whọ jọ ọmaha, kọ whọ hae ta nọ whọ gwọlọ jọ ohwo nọ ọ rẹ fa ebọro? edọkita? ọsẹro okogho? Hayo wọhọ ọmọtẹ ọboba, kọ whọ hae te ta nọ whọ gwọlọ jọ iticha? enọso? omọvo enọ e be jọ obọ uwou-ogha ruiruo? Enẹna nọ whọ gbẹ rrọ ọmaha ha na, onọ ofa jọ o riẹ nọ whọ rẹ nọ oma ra, ‘Eme mẹ te rehọ uzuazọ mẹ ru?’ Kọ whọ ruẹrẹ oma họ no re whọ jiroro na?
2 Re u fi obọ họ k’owhẹ jẹ emamọ iroro, ukoko Jihova u ru DVD nọ u wo uzoẹme na Young People Ask—What Will I Do With My Life? (Onọ Nọ Izoge A be Nọ—Eme Mẹ Te Rehọ Uzuazọ Mẹ Ru?) Iviena rri rie, re who je roro didi kpahe eware nọ a jariẹ dhesẹ kpobi, te abọ edrama na, ekiẹriwo na, gbe eware efa nọ e riẹ. A dhesẹ eware nọ e riẹe eva via evaọ ẹkpẹti nọ a kere fihọ nọ “Main Menu.”
3 Edrama Na: Nọ who bi rri abọ nana, roro kpahe enọ nana: (1) Ithatho vẹ e rrọ udevie Timoti, nọ a jọ Ikereakere Griki Ileleikristi tẹme te na, avọ Andre? (Iruẹru 16:1; 1 Tim. 4:8; 2 Tim. 1:5) (2) Ẹvẹ a jẹ rọ tuduhọ Andre awọ re ọ jọ ọgba ohrẹ-odhẹ, kọ ono ọ jẹ tuduhọ iẹe awọ? (3) Amono a ta udu họ Timoti gbe Andre awọ inọ a le eware abọ-ẹzi, kọ oghẹrẹ vẹ a ro ru ei? (2 Tim. 1:1-4; 3:14, 15) (4) Ẹvẹ eme nọ a kere fihọ Matiu 6:24 gbe Ahwo Filipai 3:8 na i ro kpomahọ Andre, kọ ẹvẹ i kpomahọ owhẹ?
4 Selected Scenes (Eria jọ Edrama na nọ A Salọ): Nọ who te rri oma edrama na kpobi no, wariẹ rri eria nọ a jọ tẹme te eware nọ e rrọ obotọ na, re whọ kiyo enọ nana. “Paul and Timothy”: Uthubro urere vẹ Pọl ọ kẹ Timoti? (2 Tim. 4:5) “Giving Jehovah Your Best” (Rehọ Ẹgba Ra Kpobi Gọ Jihova): Itee abọ-ẹzi vẹ who fihọ? “Taking a Stand for Jehovah” (Dikihẹ Abọ Jihova): Eme ọ rẹ wha uvi evawere ze? “Grandmother’s Advice” (Ohrẹ Oniode): Eme ọ jariẹ thọ nọ ohwo ọ tẹ gwọlọ jọ ọnọ a riẹ odẹ evaọ akpọ ẹdhọ? (Mat. 4:9) “No Regrets” (A Vioja Ha): Eme who re duku nọ o rẹ sai fi obọ họ k’owhẹ wo evevọwẹ evaọ uzuazọ?—Itẹ 10:22.
5 Interviews (Ekiẹriwo): Nọ who je rri abọ ọvuọvo nọ e rrọ obotọ na, eme whọ ruẹ nọ whọ rẹ sai ru re whọ rehọ ẹgba ra kpobi gọ Jihova? (1) “Dedication to Vain Pursuits or to God?” (Omarọkẹ Ilale Ifofe manikọ Ọghẹnẹ?) (1 Jọn 2:17) (2) “Learning to Enjoy Your Ministry” (Wuhrẹ Epanọ Whọ rẹ rọ Reawere Odibọgba Ra) (Ol. 27:14); gbe (3) “An Open Door to Service” (Uvẹ Iruo Odibọgba nọ U Rovie Fihọ).—Mat. 6:33.
6 Looking Back (Eroro Kpemu): Kọ whọ sae k’uyo? (1) Didi iruo oniọvo-ọmọzae na gbe oniọvo-ọmọtẹ na a je ru, kọ fikieme? (2) Ẹvẹ a nyaharo te no evaọ iruo na? (3) Eme ọ wha enwene ze evaọ uzuazọ rai omomọvo? (2 Kọr. 5:15) (4) Abọ iruẹru Uvie na vẹ a ro nwene iruo ọsosuọ rai, kọ eme ọ lẹliẹ e rai roro nọ a sai ru ivẹ na ẹsiẹvo ho? (5) Kọ a vioja oware jọ fikinọ a nwene oware nọ a rọ karo vẹre evaọ uzuazọ? (6) Eme a ta nọ u duobọ te owhẹ nọ o lẹliẹ owhẹ muhọ eroro kpahe oware nọ whọ rẹ rehọ uzuazọ ra ru?
7 Supplementary Interviews (Ekiẹriwo Efa nọ A Jariẹ Dhesẹ): Evaọ ekiẹriwo sa-sa nọ e rrọ obotọ na, eme who wuhrẹ nọ o rẹ sai fiobọhọ k’owhẹ rọ oma ra kẹ iruo Jihova vọvọ? (1) “The Value of Personal Study” (Epanọ Uwuhrẹ Omobọ-Ohwo U Wuzou te). (2) “Alternative Witnessing” (Idhere Efa nọ a re ro Se Isẹri). (3) “Bethel Service” (Iruo Ebẹtẹle). (4) “Ministerial Training School” (Isukulu Ewuhrẹ Odibọgba).—Kiẹ “Ọruẹrẹhọ-Izoẹme ọrọ Eware nọ A Kere kpahe Izoẹme Itienana No,” re who gbe se kpahe onọ o mai si owhẹ urru.
8 Kọ whọ jiroro oware nọ whọ te rehọ uzuazọ ra ru no? Pọl ọ tuduhọ Timoti awọ nọ: “He dhe iruo enana erueruo, rehọ uvẹ ra kpobi kẹ ae, re ahwo kpobi a ruẹ ẹnyaharo ra.” (1 Tim. 4:15) Ma rehọ eware nọ whọ ruẹ je yo evaọ ividio nana rọ tuduhọ owhẹ awọ re who ru epọvo na re. Lẹ se Jihova re ọ kẹ owhẹ areghẹ nọ whọ rọ salọ oghẹrẹ uzuazọ nọ o te lẹliẹ owhẹ wo evawere gbe evevọwẹ evaọ enẹna gbe osohwa uzuazọ evawere evaọ obaro.
[Picture on page 6]
MAIN MENU (Eware nọ E Riẹe Eva)
Play Drama
Scenes (11 selections)
Interviews (Ekiẹriwo)
Play All (Rri Aikpobi Ẹsiẹvo)
Sections (3 selections)
Looking Back (Eroro Kpemu)
Supplementary Material
Supplementary Interviews (Ekiẹriwo Efa nọ a Fibae)
Index to Published Information on Related Subjects (Ọruẹrẹhọ-Izoẹme ọrọ Eware nọ A Kere Kpahe Izoẹme Itienana No)
Subtitles (Ẹme nọ A be Ta na nọ A Kere Fihọ Obotọ Uwoho Na)
Hearing Impaired
None
Re who no abọjọ ruọ abọfa, nẹ ubi nọ u wo oka nana Onọ O Kẹle Riẹ, Zihe Kpemu gbe onọ a kere fihọ nọ Main Menu.