Iriruo Usiuwoma Ota

Onọ A re ro Mu Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ September

“Enwenọ ohwo kpobi ọ rẹ lẹ. Makọ ahwo nọ a rọwo nọ Ọghẹnẹ ọ rrọ họ a rẹ lẹ nọ a tẹ rrọ uye. Kọ who roro nọ elẹ kpobi Ọghẹnẹ o re yo?” [Kuvẹ kẹ uyo.] Dhesẹ uke Uwou-Eroro September–October na rọ kẹe, re wha se edhe-ẹme ọsosuọ nọ ọ rrọ otọ onọ ọsosuọ na. Se oria Ebaibol ọvo jọ nọ a jariẹ fodẹ. Ku Awake! kugbe rọ kẹe, wha ve fi oke họ nọ who ti ro zihe re wha ta ẹme kpahe edhe-ẹme nọ ọ kẹle riẹ na.

Uwou-Eroro September–October

“Nọ whọ be ruẹ eware nọ e be jọ akpọ na via na, kọ who roro nọ u fo re a nwene eware jọ evaọ akpọ na? [Kuvẹ kẹ uyo.] Muẹrohọ oriruo nọ Ọghẹnẹ o fihọ otọ kẹ omai, epanọ ma sai ro wo uyoyou dede nọ oma o rẹ wọ omai re ma nwene eware nọ e be thọ evaọ akpọ na. [Se Olezi 103:8-10.] Nọ who ti se iku nọ e rrọ ẹwẹ-obe avọ 10 evaọ emagazini nana, whọ te ruẹ epanọ Ebaibol na ọ sai ro fi obọ họ kẹ omai thihakọ eware iyoma nọ e rrọ akpọ na via.”

Awake! September

“Ahwo jọ a roro nọ u te no owezẹ imava nọ e re rọo ho no, oware ofa o riẹ hẹ nọ aimava a re ru kugbe nọ o thọ. Ẹvẹ who rri onana. [Kuvẹ kẹ uyo.] Muẹrohọ ẹme nọ Ebaibol na ọ ta kpahe onana. [Se Ahwo Ẹfẹsọs 5:3.] Emagazini nana ọ ta kpahe oghẹrẹ nọ Ọghẹnẹ o rri owezẹ-ọzae-avọ-aye gbe iruemu efa. O tẹ jẹ ta kpahe oware nọ u ro fo re ma rri iruemu nana epanọ Ọghẹnẹ o rri rai.”