Ẹkpẹti Onọ

◼ Eme O re Ru Omai Siọ Ọmọ-Uwuhrẹ Ebaibol Ba Ewuhrẹ?

Otẹrọnọ ohwo nọ who bi wuhrẹ kugbe o bi wo ẹnyaharo ho, whọ sae rọ areghẹ siọ ewuhrẹ na ba. (Mat. 10:11) Whọ sae nọ omara nọ: Kọ ọ be hai koko oke nọ ma fihọ kẹ uwuhrẹ na? Kọ ọ be hae ruẹrẹ oma kpahe kẹ uwuhrẹ na? Kọ o kpohọ iwuhrẹ ukoko no ẹdẹjọ? Kọ ọ be hae ta eware nọ o wuhrẹ kẹ amọfa? Kọ o bi ru inwene lele eware nọ o wuhrẹ evaọ Ebaibol? Nọ who bi roro kpahe enọ nana, kareghẹhọ nọ ahwo kpobi a re wo ẹnyaharo epọvo na ha, keme ejọ emaha, ejọ e kpako no, yọ ejọ e rẹ kake riẹ oware te amọfa ha. Ofariẹ, who te siobọno ọmọ-uwuhrẹ, jọ ọ riẹ nọ wha sae wariẹ mu uwuhrẹ na họ evaọ obaro nọ ọ tẹ ruẹrẹ oma kpahe no.​—1 Tim. 2:4.