Whọ Sai Wo Eghale Ọghẹnẹ Oyoyou Mai na Bẹdẹ Bẹdẹ

• Kọ whọ gwọlọ jọ akpọ nọ ẹmo-ofio gbe ozighi ọ rrọ họ?

• Kọ whọ gwọlọ jọ akpọ nọ ẹyao, uye-oruẹ gbe uwhu o rrọ họ?

• Kọ o te were owhẹ re whọ rria akpọ nọ ohwo ọvo ọ te jọ ruawa ha?

• Kọ whọ gwọlọ jọ akpọ nọ eware okpẹtu e te jọ via ha?

Ọghẹnẹ oyoyou mai na, ọnọ ọ ma ehrugbakpọ na ọ ya eyaa nọ ọ te ghale ahwo-akpọ, a ve ti wo udhedhẹ gbe evawere bẹdẹ bẹdẹ. Eyaa nana yọ ewezẹ gheghe he.

Evaọ izoẹme nọ e rrọ aro na, who ti se kpahe eware nana:

• Eware nọ i dhesẹ nọ Ọghẹnẹ nọ ọ ma omai na o you omai

• Eware nọ Ọghẹnẹ ọ jọ Ẹme riẹ vuẹ omai

• Eware nọ eruẹaro Ọghẹnẹ a ta kpahe eyaa riẹ

• Eware nọ ma re ru re ma sai wo evawere enẹna je wo eghale Ọghẹnẹ evaọ obaro

Joma kake ta kpahe eware nọ Ọghẹnẹ ọ kẹ omai nọ i dhesẹ nọ o you omai yọ ọ be daezọ mai.