Gbẹ Hae Kẹ Ahwo Emagazini

No anwọ 2018 ze, uzoẹme ọvo uvitha ọvuọvo ọrọ emagazini uvitha ẹgbede mai na o be hae ta ẹme kpahe. Emagazini yena kpobi e rrọ Ẹkpẹti Ekwakwa Ewuhrẹ mai na. Fikiere, ma rẹ sae rehọ aikpobi ta usi uwoma. Ma rẹ sae jẹ wha ejọ lele oma nọ ma te bi kpohọ erẹ hayo nọ ma tẹ be nyae dẹ oware. A ru emagazini na re ma rehọ ai wuhrẹ Ebaibol na kugbe ahwo ho, rekọ e rẹ sai fiobọhọ kẹ ohwo wo isiuru nọ o re ro wuhrẹ Ebaibol na.

Nọ who te mu ẹme họ kugbe ohwo no, whọ sai se oria Ebaibol jọ jẹ fodẹ uzoẹme emagazini nọ o rẹ sai si ohwo na urru. Wọhọ oriruo, otẹrọnọ ohwo na o wo uviuwou nọ ọ be rẹrote hayo ọ be rẹriẹ ovao dhe ẹbẹbẹ jọ, whọ sae ta nọ: “Kẹle na me se emamọ uzoẹme jọ nọ o ta kpahe oware nana. Kọ mẹ sai dhesẹ iẹe kẹ owhẹ?” Whọ tẹ ruẹ nọ ohwo na o wo isiuru, whọ sae rọ emagazini ọvo jọ kẹe hayo jọ itanẹte vi ei sei, o tẹ make rọnọ oyena họ ẹdẹ ọsosuọ nọ wha rọ ta ẹme. Dede nọ emagazini nọ ma rẹ rọ kẹ ahwo ọvo họ ute mai hi, emagazini na i re fiobọhọ kẹ omai ruẹ ahwo nọ a wo evezi.​—Iru 13:48.

2018

2019

2020