Epanọ A rẹ Rehọ Iriruo Usi Uwoma Ota na Ruiruo

Inievo na a re ru iruo gaga re a ruẹrẹ iriruo usi uwoma ota na họ, yọ iwhowho-uvie buobu a ta nọ i bi fiobọhọ kẹ ae ta usi uwoma ziezi evaọ ẹkwotọ rai. Nọ orọnọ eware e rrọ oghẹrẹ ovona evaọ oria kpobi hi na, iwhowho-uvie a sae rehọ edhere ọfa hayo uzoẹme nọ o mai kiehọ evaọ ẹkwotọ rai rọ ta usi uwoma. Rekọ nọ ma te bi ru usi-uwhowho obọdẹ, u fo nọ mai kpobi ma re ru lele epanọ a ta nọ ma ro ru ei. Utee mai họ re ma ta usi uwoma Uvie na wọhọ epanọ Jesu o vi omai.—Mt 24:14.

Nọ a te bi ru ẹme nọ ọmọ-isukulu o re ru evaọ obọ ewuhrẹ na, u fo nọ iwhowho-uvie a rehọ uzoẹme oriruo usi uwoma ota nọ o rrọ Obe Ewuhrẹ Uzuazọ gbe Usi Uwoma Ota na ro ru ei. Rekọ a sai nwene onọ, oria Ebaibol, ẹme nọ a rẹ ta jẹhọ na, hayo oghẹrẹ nọ a re ru ei re o sai kiehọ ẹkwotọ rai, ajokpanọ a ta nọ a nwene iei hi. Ekpọvio nana i nwene enọ e rrọ ẹwẹ-obe avọ 8 obe ewuhrẹ Azeza 2020 na no.