UZUAZỌ OLELEIKRISTI

Kọ Whọ Ruẹrẹ Oma Kpahe kẹ Oke Uvuhu Ogaga No?

Eware iyoma nọ e be via i bi ru nọ eware e rọ rrọ gaga evaọ akpọ na soso. Rekọ onana u bi gbe omai unu hu. Fikieme? Keme abọ urere edẹ urere na ma rrọ na, yọ Ebaibol na ọ vẹvẹ omai unu inọ ma fi ẹruore mai họ “efe nọ o muẹro ho ho.” (1Ti 6:17; 2Ti 3:1) Eme oriruo Jehoshafat ovie na o rẹ sai wuhrẹ omai kpahe oma nọ ma rẹ ruẹrẹ kpahe kẹ oke uvuhu ogaga?

Okenọ ewegrẹ e jẹ gwọlọ wọ ẹmo bru Jehoshafat ze, Jehoshafat o fievahọ Jihova. (2Ir 20:9-12) O te je ru eware jọ dẹẹ rọ ruẹrẹ orẹwho na kpahe taure oke ẹmo o te ti te, wọhọ ogba nọ o di wariẹ ikpewho sa-sa họ, o te je fi itu isoja họ eria sa-sa. (2Ir 17:1, 2, 12, 13) Wọhọ Jehoshafat, u fo nọ ma fievahọ Jihova, ma ve je ru eware jọ dẹẹ rọ ruẹrẹ oma kpahe kẹ oke obẹbẹ.

EME MA SAI RU RỌ RUẸRẸ OMA KPAHE KẸ OKE UVUHU OGAGA?

Ru eware nọ i re ru usu ra kugbe Ọghẹnẹ ga enẹna: Daoma wo edẹro je fievahọ Jihova vi epaọ ọsosuọ inọ, o ti fiobọhọ kẹ owhẹ wo eware nọ whọ rẹ rọ kuọ omara kẹdẹ kẹdẹ. (Mt 6:26; 1Ti 6:8) Gbaemu nọ whọ rẹ rọ fiki eware nọ whọ gwọlọ, wọhọ emu, iwu, oria nọ whọ rẹ rria, gbe eware itieye na efa ro ru eware nọ e rẹ dha Ọghẹnẹ eva ha. (Rom 2:21) Roro kpahe epanọ whọ te sai ro wo Ebaibol gbe ebe ukoko na nọ who re se, otẹrọnọ ikpẹ gbe itanẹte e gbẹ riẹ hẹ. Daoma wo ebe ukoko na jọ dẹẹ fihọ uwou, yọ o tẹ lọhọ, danlodu ebe gbe ividio ukoko na fihọ ifonu hayo ekọmputa ra kpahotọ.

Ruẹrẹ emu gbe eware efa kpahe: Daoma whaha eware nọ e rẹ lẹliẹ owhẹ re esa taure oke ẹgaga o te ti te, yọ who mu raha igho kufiẹ rọ dẹ eware nọ i wuzou hu hu. (Itẹ 22:7) O tẹ lọhọ, koko eware wọhọ emu, ame, ibi-imu, gbe eware itieye na efa fihọ uwou. Ahwo jọ a rẹ kọ eware fihọ ighẹ rai, re a gbẹ raha igho rọ dẹ eware jọ họ.

WHA RRI IVIDIO NA KỌ WHỌ RUẸRẸ OMA KPAHE KẸ OWARE OKPẸTU NO? KẸSENA WHA VẸ KIYO ENỌ NANA:

Uwoho nọ a rehọ no ividio na ze “Kọ Whọ Ruẹrẹ Oma Kpahe kẹ Oware Okpẹtu No?” Iwoho esese na i bi dhesẹ Ebaibol, ẹkpa nọ a rẹ wọ dhẹ nọ oware okpẹtu o tẹ via avọ ifonu, gbe ahwo nọ a bi ru iruo ebabọ.

Eme omomọvo ọ rẹ sai ru rọ ruẹrẹ oma kpahe kẹ oware okpẹtu?

Uyo ra

Uwoho nọ a rehọ no ividio na ze “Kọ Whọ Ruẹrẹ Oma Kpahe kẹ Oware Okpẹtu No?” Inievo nọ i bi ru iruo ogbodhẹ, ejọ e be bọ uwou, yọ efa e be wọ eware no omoto ologbo fihọ otọ.

Eme ma re ru rọ ruẹrẹ oma kpahe re ma sai fiobọhọ kẹ amọfa?

Uyo ra