Kọ Whọ Ruẹrẹ Oma Kpahe No?

Otẹrọnọ oware okpẹtu jọ o tẹ via evaọ oria nọ whọ be rria obọnana, kọ whọ ruẹrẹ oma kpahe no? Etọ nọ i re nuhu, ifou-ọwhibo, erae nọ e rẹ to, gbe owhe nọ o re ku e rẹ sae via idudhe, yọ e rẹ raha eware gaga. Ofariẹ, ahwo ugbarugba, ozighi, gbe eyao nọ i re vo e sae romavia idudhe re. (Ọt 9:11) U fo ho re ma roro nọ eware okpẹtu itienana e sae via vievie he evaọ oria nọ ma be rria.

O gwọlọ nọ mai omomọvo ma re ru oware jọ rọ ruẹrẹ oma kpahe taure oware okpẹtu o tẹ te via. (Itẹ 22:3) Dede nọ ukoko Jihova o re fiobọhọ kẹ omai nọ oware okpẹtu o tẹ via, o gwọlọ nọ mai omomọvo ma re ru oware jọ rọ ruẹrẹ oma kpahe ghele.​—Gal 6:5, ẹme-obotọ.

WHA RRI IVIDIO NA KỌ WHỌ RUẸRẸ OMA KPAHE KẸ OKPẸTU NỌ OHWO Ọ RỌ OBỌ SO HO NO? KẸSENA WHA VẸ KIYO ENỌ NANA:

• 

  Ẹvẹ usu okpekpe nọ ma re wo kugbe Jihova o sai ro fiobọhọ kẹ omai nọ oware okpẹtu o tẹ via?

• 

  Fikieme u ro wuzou re ma . . .

  • • vuẹ ekpako na kpahe oghẹrẹ nọ eware e rrọ kẹ omai taure oware okpẹtu o tẹ te via, nọ oware okpẹtu o tẹ via no, gbe okenọ oware okpẹtu na o tẹ via vrẹ no?

  • • wo ẹkpa nọ ma ruẹrẹ eware jọ fihọ no nọ ma sae wọ rọ dhẹ ogbohrẹ idudhe?​—g17.5 6

  • • ta kpahe oghẹrẹ eware okpẹtu nọ e rẹ sae via evaọ oria mai gbe oware nọ ma rẹ sai ru nọ e tẹ romavia?

• 

  Idhere esa jọ vẹ ma sai ro fiobọhọ kẹ amọfa nọ oware okpẹtu o tẹ via kẹ ai?