UZUAZỌ OLELEIKRISTI
Ruẹrẹ Oma Kpahe Evaọ Abọ Urere “Edẹ Urere Na”
Nọ ma be rria abọ urere “edẹ urere na,” ma riẹ nọ ebẹbẹ i ti dhe ẹgẹga. (2Ti 3:1; ẹme Mt 24:8 nọ a ru vẹ evaọ nwtsty) Nọ oware okpẹtu o tẹ romavia, a rẹ vuẹ idibo Jihova oware nọ a re ru evaọ ẹruoke, onọ u re siwi uzuazọ rai. Re ma sae zọ evaọ okenọ oware okpẹtu o tẹ via, o gwọlọ nọ ma rẹ ruẹrẹ oma kpahe enẹna, koyehọ, ma rẹ daoma epanọ ma re ro wo usu okpekpe kugbe Jihova jẹ ruẹrẹ emu gbe eware itieye efa kpahe.—Luk 16:10.
Wo usu okpekpe kugbe Jihova enẹna: Hai ru eware nọ e rẹ lẹliẹ usu ra kugbe Jihova jọ kpekpekpe. Wuhrẹ epanọ whọ sae rọ rehọ idhere sa-sa rọ ta usi uwoma. Nọ whọ gbẹ rrọ kugbe inievo ukoko na evaọ okenọ oware okpẹtu ọ tẹ via ha, who bru okpakpa hayo ruawa ha. (Aiz 30:15) Riẹ nọ Jihova avọ Jesu a rrọ kugbe owhẹ oke kpobi.—od 175-176 ¶15-17
Ruẹrẹ emu gbe eware efa kpahe: U te no ẹkpa nọ ma ruẹrẹ eware fihọ no nọ ma sae wọ rọ dhẹ ogbohrẹ idudhe no, o gwọlọ nọ uviuwou kpobi a ruẹ nọ a wo ememu jọ, ame, ibi-imu, gbe eware itieye efa jọ fihọ uwou. A re ru onana fiki ariẹse he, otẹrọnọ eware i yoma te epanọ o rọ gwọlọ a rẹ jọ evaọ uwou evaọ etoke lelehie.—Itẹ 22:3; g17.5-E 4, 6
WHA RRI IVIDIO NA KỌ WHỌ RUẸRẸ OMA KPAHE KẸ OKPẸTU NỌ OHWO Ọ RỌ OBỌ SO HO NO? KẸSENA WHA VẸ KIYO ENỌ NANA:
Ẹvẹ ma sai ro wo usu okpekpe kugbe Jihova taure oware okpẹtu o tẹ te via?
Fikieme u ro fo re . . .
ma hae vuẹ ekpako na kpahe oghẹrẹ nọ eware e rrọ kẹ omai?
ma wo ẹkpa nọ ma ruẹrẹ eware jọ fihọ no nọ ma sae wọ rọ dhẹ ogbohrẹ idudhe?
ma ta kpahe oghẹrẹ okpẹtu nọ e rẹ sae via gbe oware nọ ma rẹ sai ru nọ e tẹ via?
Idhere esa jọ vẹ ma sai ro fiobọhọ kẹ amọfa nọ oware okpẹtu o tẹ via kẹ ae?
NỌ OMARA NỌ, ‘Eme okpẹyao COVID-19 na u wuhrẹ omẹ kpahe oma nọ a rẹ ruẹrẹ kpahe taure oware okpẹtu o tẹ te via?’