Ma Gwọlọ Akpọ Ọkpokpọ!
Ọzae jọ nọ a re se António Guterres, nọ ọ rrọ okere-obe kẹ United Nations ọ ta nọ: “Ma be rria akpọ nọ ebẹbẹ e dafia.” Ma riẹ nọ whọ rọwo ẹme riẹ na.
Eware nọ e rẹ kẹ ohwo uye ọvo a rẹ ta kpahe evaọ iyẹrẹ, wọhọ
Ikpeyao
Okpẹtu nọ a rọ obọ so ho
Uvuhu gbe ohọo
Enua gbe ẹrrorro ọgaga
Emuemu, ozighi, gbe ofruriọ
Ẹmo
O rrọ vevẹ inọ ma ginẹ gwọlọ akpọ ọkpokpọ. Akpọ nọ
Ahwo a ti jo wo omokpokpọ
Ufuoma o te jọ, nọ ozọ o te jọ mu ahwo ho
Emuore ọ te dafia
Oria kpobi o te jọ fuafo
Okienyẹ ọ te jọ họ
Udhedhẹ o te dafia
Eme họ akpọ ọkpokpọ nọ ma be ta kpahe na?
Eme o te via kẹ akpọ nọ ma be rria na?
Eme u fo nọ ma re ru re ma sae rria akpọ ọkpokpọ na?
Ma te jọ uvitha Uwou-Eroro nana ta kpahe oghẹrẹ nọ Ebaibol na ọ rọ kiyo enọ nana gbe efa.