Kọ Ereghẹ Ahwo-Akpọ A ro Kere Ebaibol Na?
Uyo nọ Ebaibol na ọ kẹ
Ma rẹ sae jọ Ebaibol na, hayo Ikereakere Ẹri na ruẹ eme areghẹ buobu. Rekọ muẹrohọ ẹme nọ Ebaibol na ọ ta kpahe onana: “Ọghẹnẹ o gie ẹwolo ku ikereakere na kpobi.” (2 Timoti 3:16) Imuẹro buobu e riẹ nọ i dhesẹ nọ eme nana uzẹme. Ejọ rai ena:
Ohwo ọvo ọ re sai dhesẹ via nọ ikuigbe nọ e rrọ Ebaibol na yọ erue he.
Ahwo nọ a kere Ebaibol na a si oware ovo no ho. A tube si eware nọ a ru thọ no ho, onọ u dhesẹ nọ eme nọ e rrọ Ebaibol na uzẹme.
Uzoẹme ọvo nọ ọ dhẹ Ebaibol na duwu họ: ahwo kpobi a te riẹ nọ Ọghẹnẹ ọvo o wo udu nọ o re ro su ahwo-akpọ gbe nọ ọ te rọ ẹkwoma Uvie riẹ ru ẹjiroro riẹ gba.
Dede nọ u kri gaga no nọ a ro kere Ebaibol na, o ta gbagba kpahe eware nọ ahwo oke mai na a kiẹ via no, enọ ahwo oke anwae a wo eriariẹ ethọthọ kpahe.
Ikuigbe nọ e rrọ ebe i dhesẹ nọ eruẹaruẹ Ebaibol i rugba no.