Akpọ Ọkpokpọ Wọhọ Epaọ Eyaa Ọghẹnẹ
EBAIBOL na, Ẹme Ọghẹnẹ nọ a kere, ọ kẹ omai ẹruore nọ ọ ta nọ: “Rekọ wọhọ epaọ eya riẹ, ma rẹ hẹrẹ ihru [hayo, idhiwu] ekpokpọ avọ akpọ ọkpokpọ enọ ẹrẹreokie ọ be ria.”—2 Pita 3:13.
Eme họ ‘idhiwu ekpokpọ’ na? Ebaibol na e rẹ rehọ odhiwu dhesẹ esuo. (Iruẹru 7:49) ‘Idhiwu ekpokpọ’ na yọ egọmeti ọkpokpọ nọ o ti su otọakpọ na. O rrọ okpokpọ keme o te rehọ eta esuo inẹnẹ na; o tẹ jẹ rrọ oware okpokpọ evaọ erugba ẹjiroro Ọghẹnẹ. Oye họ Uvie nọ Jesu o wuhrẹ omai nọ ma lẹ kẹ na. (Matiu 6:10) Fikinọ Ọghẹnẹ họ Ehri riẹ yọ ọ be rria obọ odhiwu na, a se rie “uvie odhiwu.”—Matiu 7:21.
Eme họ “akpọ ọkpokpọ” na? Orọnikọ otọakpọ okpokpọ họ, keme Ebaibol na e ta vevẹ inọ a te rria otọakpọ nana bẹdẹ bẹdẹ. “Akpọ ọkpokpọ” na yọ okegbe ahwo-akpọ ọkpokpọ. O te jọ okpokpọ keme yọ a kpe irumuomu na noi no. (Itẹ 2:21, 22) Ahwo kpobi nọ a te rria evaọ oke yena a te kẹ Ọnọma na ọghọ je yo ẹme kẹe a vẹ te jẹ rria lele itee riẹ. (Olezi 22:27) A bi zizie ahwo erẹwho kpobi re a wuhrẹ itee yena re a je nwene uzuazọ rai lele ai enẹna. Kọ who bi ru ere?
Evaọ akpọ ọkpokpọ Ọghẹnẹ, ohwo kpobi ọ te rọ adhẹẹ kẹ esuo Riẹ. Kọ uyoyou kẹ Ọghẹnẹ o be wọ owhẹ yo ẹme kẹe? (1 Jọn 5:3) Kọ oyena u bi dhesẹ oma via eva uwou ra? eva obọ iruo hayo obọ isukulu? evaọ edhere nọ who bi yeri uzuazọ ra?
Evaọ akpọ ọkpokpọ yena, ahwo-akpọ kpobi a ti kuomagbe evaọ ẹgọ Ọghẹnẹ uzẹme na. Kọ whọ be gọ Ọnọma odhiwu gbe otọakpọ na? Kọ egagọ ra i bi ghine ru owhẹ gbe ibe egegagọ erọ erẹwho, uyẹ, gbe evẹrẹ kpobi wo okugbe?—Olezi 86:9, 10; Aizaya 2:2-4; Zefanaya 3:9.
[Ẹkpẹti nọ o rrọ ẹwẹ-obe avọ 17]
Ọghẹnẹ nọ Ọ Yaa Eyaa Eware Nana
Ọye họ Ọnọma idhiwu gbe otọakpọ na. Ọye Jesu Kristi o se “uvi Ọghẹnẹ” na.—Jọn 17:3.
Ahwo-akpọ buobu a be rọ ọghọ kẹ eghẹnẹ nọ a rọ abọ ru. Ima ahwo buobu a be gọ emema nọ i wo uzuazọ họ. Efa a be rọ orro kẹ ikoko ahwo-akpọ, eriariẹ-ikpehru ahwo-akpọ, hayo isiuru obọ rai. Makọ ahwo nọ a ta nnọ a bi se Ebaibol na dede o rọnọ aikpobi a be rehọ ọghọ kẹ ọnọ Ebaibol na i se “uvi Ọghẹnẹ” na ha.—Iziewariẹ 4:35.
Ọnọma na ọ ta kpahe oma riẹ nọ: “Mẹ họ Jihova. Oye họ odẹ mẹ.” (Aizaya 42:5, 8, NW ) Evaọ evẹrẹ ọsosuọ Ebaibol na, odẹ nana o roma via bu te asia 7,000. Jesu Kristi o wuhrẹ ilele riẹ re a lẹ nọ: “Ọsẹ mai nọ ọ rọ obọ odhiwu, odẹ ra ojọ ọrẹri.”—Matiu 6:9.
Didi oghẹrẹ ohwo Ọghẹnẹ uzẹme na ọ rrọ? O dhesẹ oma riẹ wọhọ ohwo nọ “ọ vọ avọ ohrọ gbe aruoriwo, ọ rẹ kaki muofu hu, o wo uyoyou nọ o rẹ rẹriẹ hẹ gbe ọtẹruo” gbe ọnọ ọ rẹ rehọ uye kẹ enọ i keke aro fihọ la ijaje riẹ vrẹ. (Ọnyano 34:6, 7) Ikuigbe erọ epanọ o yeri kugbe ahwo-akpọ no i dhesẹ ẹgbagba eme yena.
A re ru odẹ na gbe ohwo nọ o wo rie fuafo hayo ọrẹri. Wọhọ Ọnọma gbe Osu Ehrugbakpọ na, o te ọnọ ma re yo ẹme kẹ jẹ rehọ egagọ mai kpobi kẹ. Kọ who bi yo ẹme kẹe jẹ gọe?
[Ẹkpẹti/Uwoho nọ e rrọ ẹwẹ-obe avọ 18]
Didi Inwene “Ihru Ekpokpọ avọ Akpọ Ọkpokpọ” na E te Wha Ze?
Otọakpọ u ti nwene kpohọ Aparadase Luk 23:43
Okegbe akpọ-soso nọ ahwo erẹwho kpobi, Jọn 13:35;
uyẹ, gbe evẹrẹ kpobi a ti jo wo okugbe Eviavia 7:9, 10
evaọ uyoyou
Udhedhẹ akpọ-soso, uvi omofọwẹ kẹ Olezi 37:10, 11;
ahwo kpobi Maeka 4:3, 4
Iruo evevọwẹ, emuore obuobu Aizaya 25:6;
65:17, 21-23
A ti si ẹyao, uweri, gbe uwhu no Aizaya 25:8;
Akpọ nọ ọ rrọ okugbe evaọ egagọ Eviavia 15:3, 4
Ọghẹnẹ uzẹme na
[Ẹkpẹti/Uwoho nọ o rrọ ẹwẹ-obe avọ 19]
Kọ Whọ te Jariẹ Wo Erere?
Ọghẹnẹ ọ rẹ ya-erue he!—Taitọs 1:2.
Jihova o whowho nọ: “Ẹme [mẹ] . . . o re zihe bru omẹ tha ababọ họ, rekọ o re ru epanọ mẹ ta gba je ru oware nọ mẹ rehọ fiki riẹ vi ei na gba.”—Aizaya 55:11.
Jihova o muọ “odhiwu ọkpokpọ gbe akpọ ọkpokpọ” họ ẹma no enẹna. Egọmeti obọ odhiwu na o mu iruo họ no. A tọ otọhotọ “akpọ ọkpokpọ” na họ no.
Nọ o ta kpahe eware igbunu jọ nọ “odhiwu ọkpokpọ gbe akpọ ọkpokpọ” e te wha ze kẹ ahwo-akpọ no, obe Eviavia o tẹ wariẹ eme nọ i no unu Ọghẹnẹ, Osu Ehrugbakpọ na ze, ta nọ: ‘Ri, me bi zihe eware kpobi ruọ ekpokpọ.’ Ọ tẹ jẹ ta nọ: “Kere, keme eme nana kpobi eme uzẹme gbe ọtẹruo.”—Eviavia 21:1, 5.
Onọ ulogbo na họ, Kọ ma bi ru inwene nọ i fo re a sai kele omai wọhọ enọ i te kẹ “akpọ ọkpokpọ” na evaọ otọ “odhiwu ọkpokpọ” na?