Ẹme nọ A rẹ Ta avọ Imuẹro

1 Ahwo Tẹsalonika 1:5

OWARE NỌ O GWỌLỌ: Dhesẹ nọ uzẹme na u mu owhẹ ẹro, whọ tẹ jẹ riẹ nọ oware nọ whọ be ta na u wuzou gaga.

EPANỌ A RE RO RU EI:

• Ruẹrẹ oma kpahe ziezi. Se je roro didi kpahe ẹme ra bẹsenọ who re wo otoriẹ ẹme na ziezi gbe oghẹrẹ nọ Ebaibol ọ rọ rehọ uzẹme na via. Daoma rehọ umutho eme elọlọhọ ta eme nọ i wuzou evaọ ẹme ra na. Tẹrovi erere nọ ahwo nọ a te gaviezọ kẹ owhẹ a ti wo no ẹme na ze. Lẹ kẹ ẹzi ọfuafo.

• Rehọ eme nọ i re dhesẹ imuẹro ta ẹme. Ukpenọ whọ rẹ ta eme na epanọ a ro kere ai na, rehọ eme obọra ta ẹme na. Ta eme nọ i re dhesẹ nọ oware nọ whọ be ta na u mu owhẹ ẹro.

• Ta ẹme avọ ajọwha, jẹ ta ẹme na oghẹrẹ nọ u re dhesẹ nọ ẹme na o no owhẹ eva ze. Ta ẹme na do te epanọ u fo. Otẹrọnọ a te rri ahwo na ovao eva e rẹ dhae he, hai rri enọ whọ be ta ẹme kẹ na ovao.